ရှင်မဟာမေဂ္ဂလန် အပိုင်း(၂)

ရှင်မောဂ္ဂလာန်မထေရ်မြတ်နဲ့ ရှင်သာရိပုတ္တရာ မထေရ်မြတ်ကြီးနှစ်ပါးဟာ အပြန်အလှန်လေးစားချစ်ကြည်တော်မူကြတယ်။ ထေရအပါဒါန်မှာတွေ့ကြရတဲ့ ရှင်သာရိပုတ္တရာရဲ့ ရှင်မောဂ္ဂလန်မထေရ်မြတ်ကို ချီးကျူးမြွက်ကြားတဲ့ ဂါထာတော်တွေဟာရှင် မောဂ္ဂလာန်မထေရ်မြတ်က ပြန်လည်ချီးကျူးမြွက်ကြားတဲ့ ဂါထာတော်တွေထက် ပိုမိုပြီး စကားအလင်္ကာတွေ ပြည့်စုံကြောင်းတွေ့ ကြရတယ်။ အရှင်မြတ်နှစ်ပါးရဲ့ ချစ်ကြည်ရင်းနှီးမူဟာ မြတ်စွာဘုရားအပေါ်မှာ ကြည်ညိုလေးစားမူဆိုတဲ့ တူညီတဲ့ စိတ်ထားအ ပေါ်မှာ အခြေပြုပြီး ဖွဲ့နှောင်ထားတော်မူခြင်းဖြစ်တယ်။

အရှင်မြတ်နှစ်ပါးဟာ မြတ်စွာဘုရားနဲ့ ဝေးရာမှာ သီတင်းသုံးတော်မူကြ တဲ့အခါ အရှင်မောဂ္ဂလန်မထေရ်မြတ်ဟာ ဘယ်မျှဝေးတဲ့အရပ်ဖြစ်စေ၊ အခါမလပ် တန်ခိုးအစွမ်းတော်နဲ့ မြတ်စွာဘုရားကို ဖူးတွေ့နိုင် သလို၊ မြတ်စွာဘုရားရဲ့ဟောကြားမူ အသံတော်ကိုလည်းကြားနာနိုင်တယ်လို့ ဆိုတယ်။ ပြီးတော့ ကြားနာရတဲ့တရားတော်နဲ့ ပတ်သက်ပြီး အရှင်မြတ်နှစ်ပါးပြန်လည်ဆွေးနွေးကြတယ်လို့ ဆိုတယ်။ S.ii.275ff။ အလားတူနည်း နဲ့ ဘဲ ရှင်မောဂ္ဂလာန်မထေရ်မြတ်က မြတ်စွာဘုရားထံမှ တရားတော်နာကြားပြီး ရဟန်းတွေကို ပြန်လည်ဟောပြတော်မူတယ် လို့ သံယုတ္တနိကာယ်မှာတွေ့ကြရတယ်။ ရှင်သာရိပုတ္တရာနဲ့ ရှင်မောဂ္ဂလာန်မထေရ်မြတ်တို့ရဲ့ အပြန်အလှန်တရားဓမ္မဆွေးနွေးမူ ကို အဂုင်္တ္တနိကာယ်မှာလည်းတွေ့ရတယ်။

မဇ္ဈိမနိကာယ်က၊ မဟာဂေါသိင်္ဂသုတ်မှာတော့ အင်ကြင်း ပန်းတွေဖူးဖွင့်ဝေဆာနေတဲ့ ဂေါသိင်္ဂတောအုပ်ထဲမှာ ညချမ်းအခါ အရှင် သာရိပုတ္တရာ၊ ရှင်မောဂ္ဂလာန်၊ ရှင်အနုရုဒ္ဓါ၊ ရှင်အာနန္ဒာနဲ့ ရှင်ရေ၀တ မထေရ်မြတ်တို့ဟာ တရားဓမ္မဆွေးနွေးတော်မူကြ ပြီး ဆွေးနွေးတဲ့ တရားဓမ္မနဲ့ ပတ်သက်ပြီး မြတ်စွာဘုရားရှင်ကို သွားရောက်လျှောက်ထားကြတယ် လို့ တွေ့ကြရတယ်။ ရှင်သာ ရိပုတ္တရာ၊ ရှင်မောဂ္ဂလန်နဲ့ ရှင် အနုရုဒ္ဓါမထေရ်မြတ်တို့ဟာ သာကေတက၊ ကေတ၀နတောအုပ်မှာ အတူတကွ သီတင်းသုံးနေ ထိုင်တော်မူကြတယ် လို့လည်းတွေ့ရတယ်။ 

 အရှင်သာရိပုတ္တရာနဲ့ ရှင်မောဂ္ဂလာန်မထေရ်မြတ်တို့ဟာ တပည့် ရဟန်းသံဃာတွေခြံရံပြီး အတူတကွ ဒေသစာရီကြွတော်မူကြတဲ့ ထုံးစံရှိတော်မူကြတယ်လို့ ဆိုနိုင်တယ်။ ဒကာ၊ ဒကာ မတွေ ကလည်း ဆွမ်းအစရှိတဲ့ လှူဖွယ်တွေဆက်ကပ်လှူဒါန်းကြတဲ့ အခါ အရှင်မြတ်နှစ်ပါးကို အထူးကြောင့်ကြစိုက်ပြီး ပင့်ဖိတ် ကြောင်းလည်း တွေ့ကြရတယ်။ ဥပမာအားဖြင့် ဒက္ခဏာဂိရိက ‘‘ဝေဠုကဏ္ဍကီ’’ က နန္ဒမာတာ နဲ့ မစ္ဆိကာသန္ဒက ‘‘စိတ္တသူကြွယ်’’ တို့ရဲ့ လှူဒါန်း မူ မှာတွေ့ကြရတယ်။

ရှင်မဟာ မောဂ္ဂလာန် ကိုယ်တော်မြတ်ကြီး ...၃

=================================

‘‘ကောလိတ သည် တန်ခိုးအရာ၌ အမြတ်ဆုံးဖြစ်၏။ အကျွန်ုပ်သည် ပညာဖြင့် တဖက်ကမ်းသို့ ရောက်၏။ ကျွန်ုပ်တို့နှစ်ဦးသည် တစ်ပေါင်းတည်းဖြစ်၍ သာလျှင် သာသနာတော်ကို တင့်တယ်စေပါကုန်အံ့။’’

(ရှင်သာရိပုတ္တရာ၊ ထေရအပါဒါန်)

‘‘ရဟန်းတို့ အနှစ်ရှိသော သစ်ပင်ကြီးသည် တည်ရှိနေစဉ် အကြီးဆုံးအကိုင်းတို့သည် ပျက်စီးကုန်သကဲ့သို့ ထို့အတူပင် အနှစ်ရှိ သော ရဟန်းအပေါင်းတို့ တည်ရှိနေစဉ်ပင် သာရိပုတ္တရာနှင့် မောဂ္ဂလာန်တို့သည် ပရိနိဗ္ဗာန်ပြုကုန်ပြီ’’

(ဗုဒ္ဓမြတ်စွာ၊ ဥက္ကစေလသုတ်၊ မဟာဝဂ္ဂသံယုတ်)

ရှင်မောဂ္ဂလာန်မထေရ်မြတ်ဟာ မြတ်စွာဘုရားထက်စောပြီး ပရိနိဗ္ဗာန်ဝင်စံတော်မူတယ်။ ရှင်သာရိပုတ္တ ရာမထေရ်မြတ်ကတော့ ရှင်မောဂ္ဂလာန် မထေရ်မြတ်ထက်နှစ်ပါတ်စောပြီး ပရိနိဗ္ဗာန်စံဝင်တော်မူခဲ့တယ်။ ရှင်သာရိပုတ္တရာ မထေရ်မြတ်ဟာ တန်ဆောင် မုန်းလပြည့်နေ့၊ ကြတ္တိကာနက္ခတ်နဲ့ ယှဉ်ရာကာလမှာ ပရိနိဗ္ဗာန်စံဝင်တော်မူခဲ့ပြီး ရှင်မောဂ္ဂလာန်မထေရ်မြတ်ကတော့ တန် ဆောင်မုန်း လကွယ်နေ့မှာ ပရိနိဗ္ဗာန်စံဝင်တော်မူခဲ့တယ်။ ရှင်သာရိပုတ္တရာမထေရ် မထေရ်မြတ် ပရိနိဗ္ဗာန်စံဝင်တော်မူခြင်းနဲ့ ပတ်သက်ပြီး ရှင်မောဂ္ဂလာန်မထေရ်မြတ်ရဲ့ ချီးကျူးပူဇော်တဲ့ ဂါထာတော်တွေကို ထေရဂါထာမှာတွေ့ကြရတယ်။

အဋ္ဌကထာကျမ်းမှာတော့ ရှင်မောဂ္ဂလာန်မထေရ်မြတ်ဟာ နိဂဏ္ဌတွေရဲ့လက်ချက်ကြောင့် ပရိနိဗ္ဗာန်စံရတယ်လို့ဆိုပါတယ်။ ရှင်မောဂ္ဂလာန် မထေရ်မြတ်ဟာ အခြား ငရံဘုံ၊ နတ်ဘုံလောကတွေကို ကြွတော်မူပြီး မြတ်စွာဘုရားရဲ့တရားတော်တွေ အတိုင်းကျင့် ကြံ အားထုတ်သူတွေဟာ နတ်ဘုံလောကရောက်ရှိရတဲ့အကြောင်း၊ တိတ္ထိတွေရဲ့ တပည့်တွေကတော့မကောင်းတဲ့ဘုံဘ၀တွေမှာ ဖြစ်ကြရကြောင်း ပြန်လည်ဟောတော်မူတယ်။ 

အရှင်မြတ်ရဲ့ ဒီလို ဟောကြားမူတွေဟာ တိတ္ထိတွေအတွက် ကြည်ညိုသူလျော့နည်းစေပြီး၊ လာဘ်၊ လာဘ မရရှိကြတော့ဘူးလို့ဆိုတယ်။ ဒါကြောင့် တိတ္ထိတွေဟာ ဓားပြဗိုလ်အဖွဲ့ကို ငှါးရန်း ပြီး ရှင်မောဂ္ဂလာန်မထေရ်မြတ်ကို သတ်စေခဲ့တယ်။ ဓားပြတွေဟာ အရှင်မြတ်သီတင်းသုံးရာ ကာဠသိလာ ကျောက်ဖျာအရပ်ကို လာရောက် ၀ိုင်းဝန်းပါတယ်။ သို့ပေမဲ့ အရှင်မြတ်ဟာ သော့ပေါက်ကနေ လွတ်မြောက်တော်မူခဲ့တယ်လို့ ဆိုတယ်။

ဒီလိုနည်းနဲ့ ခြောက်ရက်တိုင်တိုင်လွတ်မြောက်အောင် ရှောင်ခဲ့ပေမဲ့ ခုနှစ်ရက်မြောက်တဲ့နေ့မှာတော့ ဓားပြတွေလက်မှာ ဖမ်းချုပ်ခံခဲ့ရပြီး အရိုး မွမွကျေညက်အောင် ရိုက်နှက်ခံတော်မူရရှာတယ်။ အဲဒီနောက် ခိုးသားဓားပြအဖွဲ့ဟာ အရှင်မြတ်ကို သေပြီ အမှတ်နဲ့ ချုံပေါ်မှာ ပစ်တင်ခဲ့တယ် လို့ဆိုတယ်။ သို့သော်လည်း အရှင်မြတ်ဟာ ဈဉ်အဘိဉာဉ်တန်ခိုးတော်နဲ့ ပြန်လည် သတိဝင် နိုးထတော် မူလာပြီး မြတ်စွာဘုရားရှင်ကိုသွားရောက်ဖူးတွေ့ပါတယ်။ အဲဒီနောက် မြတ်စွာဘုရားရှင်နဲ့ ရဟန်းတော်တွေမျက်မှောက်မှာ နောက်ဆုံး အကြိမ် တရားဟောကြားတော်မူပြီး ကာဠသိ လာ ကျောက်ဖျာအရပ်ကို ပြန်လည်ကြွကာ ပရိနိဗ္ဗာန်ဝင်စံတော်မူခဲ့တယ်။ 

အရှင် မြတ် ပရိနိဗ္ဗာန်စံဝင်တော်မူတဲ့အခါ နတ်ပြည်လောကတစ်ခုလုံး အုံးအုံးကျွတ်ကျွတ်ဖြစ်ပြီး ပူးဆွေးဝမ်းနည်းမူ ဖြစ်ခဲ့တယ် လို့ဆိုပါတယ်။ အရှင်မြတ်ဟာ ဒီလို ဆိုခဲ့တဲ့ အတိုင်း ခိုးသားဓားပြတွေရဲ့ လက်ချက်ကြောင့် ပရိနိဗ္ဗာန်စံဝင်တော်မူရခြင်းဟာ ရှေးဘ၀က ၀ဋ်ကြွေးတစ်ခုကြောင့်ဖြစ်တယ်။ ရှေးအတိတ်ဘ၀ တစ်ခုက အရှင်မြတ်လောင်းလျာတော်ဟာ မယားဖြစ်သူရဲ့ ဂုံးချောစကားကို ယုံပြီး မျက်မမြင်မိဘနှစ်ပါးကို တောထဲခေါ်သွားပါတယ်။ တောထဲရောက်တဲ့အခါ ခိုးသူတွေရိုက်သယောင်နဲ့ မိမိ မိဘနှစ်ပါးကို သတ်ခဲ့တယ်။ အဲဒီ မကောင်းမူကံကြောင့် အရှင်မြတ်လောင်းလျာဟာ ငရဲမှာကျက်ခဲ့ရပြီး ယခုနောက်ဆုံးဘ၀ ရောက်တဲ့အခါ အဲဒီ မကောင်းမူကံအကြွင်းနဲ့ ခိုးသားဓားပြတွေရဲ့ ရိုက်နှက်ခြင်းကို ခံတော်မူရပြီးမှ ပရိနိဗ္ဗာန်စံတော်မူရတယ် လို့ ဆိုပါတယ်။ ဒီ အကြောင်းရာကိုဘဲ ဒီဃနိကာယ်အဖွင့်ကျမ်းမှာ မူကွဲအဖြစ်တွေ့ရတယ်။ အဲဒီကျမ်းအဆိုအရတော့ အရှင်မြတ် လောင်းလျာဟာ မိဘတွေကို မသတ်ခဲ့ဘူးလို့ ဆိုပါတယ်။

အရှင်မြတ်ပရိနိဗ္ဗာန်စံတော်မူပြီးတဲ့အခါ မြတ်စွာဘုရားက အရှင်မြတ် ရဲ့ အရိုးဓာတ်တော်တွေကို ယူစေပြီး ဝေဠုဝန်ကျောင်းရဲ့ တံခါးမုဒ်အနီးမှာ ဓါတ်တော်စေတီတည်ထားစေခဲ့တယ် လို့ဆိုတယ်။

ဗုဒ္ဓ၀ံသကျမ်းမှာတော့ ရှင်မဟာမောဂ္ဂလာန်မထေရ်မြတ်ကြီးဟာ ကြာညိုအဆင်းနဲ့ တူတဲ့ အသားအရေတော်ရှိတယ် လို့ဆိုထား တော်မူတယ်။ သီဟိုဠ် က ဆရာ၊ အစဉ်အဆက်ပြောစကားကတော့ အရှင်မြတ်ဟာ မကြာမြင့်မီဘ၀ကမှ ငရဲက လွတ်မြောက်လာ ခဲ့ရလို ဒီ လို အသားအရောင်တော်မျိုးရှိရသတတ်။

နှစ်ရာပေါင်းများစွာ ကြာပြီးတဲ့နောက် အိန္ဒိယပြည်ကြီးကို အင်္ဂလိပ်တွေ အုပ်ချုပ်တဲ့အခါ အင်္ဂလိပ်ရှေးဟောင်း သုတေသနပညာရှင်တွေရဲ့ တူးဖော်လေ့လာမူတွေနဲ့အတူ အိန္ဒိယက ရှေးဟောင်း ဗုဒ္ဓသာသနိက အဆောက်အဦးတွေဟာ ပြန်လည်ထင်ရှားလာပါတယ်။ အဲလိုထင်ရှားတဲ့ အထဲမှာ ဆန်ချီ ဟာ ထိပ်ဆုံးက ပါဝင်ခဲ့တယ်။ ဆန်ချီ မှာ အသောကမင်းကြီးရဲ့ကောင်းမူ စေတီတော်ကြီးနဲ့ အရံစေတီတွေရှိပြီး အိန္ဒိယမှာ ရှေးအကျဆုံး ရှေးဟောင်းစေတီတော်တွေဖြစ်တယ်လို့ ဆိုကြပါတယ်။ 

အရံစေတီတော် တစ်ဆူကို တူးဖော်တဲ့အခါ အရှင်သာရိပုတ္တမထေရ်မြတ်နဲ့ အရှင်မောဂ္ဂလာန် မထေရ်မြတ်တို့ရဲ့ ဓါတ်တော်ကြုပ်များကို တွေ့ရှိခဲ့ကြပါတယ်။ ဒီ ဆန်ချီစေတီတော်ရဲ့ ပတ်ဝန်းကျင် စေတီဟောင်းတစ်ဆူဖြစ် ခဲ့တဲ့နေရာမှာလည်း အလားတူ ဓါတ်တော်တွေကို တွေ့ရှိခဲ့ကြတယ်။ အိန္ဒိယမှာ တိမ်မြုပ်ပျောက်ကွယ်နေတဲ့ ရှင်သာရိပုတ္တမထေရ်မြတ်နဲ့ ရှင်မဟာမောဂ္ဂလာန်မထေရ်မြတ်တို့ရဲ့ ဂုဏ်သတင်းတော်ဟာလည်း ပြန်လည် ထင်ရှားလာခဲ့ပါတယ်။ သို့သော်လည်း အင်္ဂလိပ်အစိုးရဟာ ဒီ ဓါတ်တော်တွေကို အင်္ဂလန်ထိ ယူဆောင်သွားပြီး ပြတိုက်မှာ ပြသထားခဲ့တယ်။

အိန္ဒိယပြည်က မဟာဗောဓိအသင်းကြီးနဲ့ ဗုဒ္ဓဘာသာ ၀င်နိုင်ငံတွေရဲ့ ပြန်လည်တောင်းဆိုမူကြောင့် အိန္ဒိယနိုင်ငံ လွတ်လပ်ရေးရတဲ့ အခါ မထေရ်မြတ်နှစ်ပါးရဲ့ ဓါတ်တော်တွေဟာ အိန္ဒိယနိုင်ငံသို့ ပြန်လည်ရောက်ရှိခဲ့တယ်။ မထေရ်မြတ်နှစ်ပါး ရဲ့ဓါတ်တော် တစ်စိတ်တစ်ပိုင်းဟာ ဗုဒ္ဓဘာသာဝင်နိုင်ငံဖြစ်တဲ့ မြန်မာနိုင်ငံသူ၊ နိုင်ငံသား အစိုးရရဲ့တောင်းပန် မူနဲ့အိန္ဒိယ ကနေ မြန်မာနိုင်ငံသို့ ရောက်ရှိတော် မူခဲ့ပြန်ပါတယ်။

ရှင်သာရိပုတ္တမထေရ်မြတ်နဲ့ ရှင်မောဂ္ဂလာန် မထေရ်မြတ်တို့ရဲ့ အဲဒီ ဓါတ်တော် တစ်စိတ်တစ်ပိုင်းဟာ ယခုအခါ ရန်ကုန်မြို့ကမ္ဘာအေး စေတီတော်ကြီးမှာ ကိန်းဝပ်စံပယ်တော်မူလျက်ရှိပါတယ်။ သွားရောက်ဖူးမြော်နိုင်ကြပါကြောင်း။

ဘိက္ခု ကေသရ

(source: Dictionary of Pali Proper Names by

G.P Malalasekera; တိပိ (မြန်);

Return of Buddha's disciples' relics by Jack

Daulton)

Posted by bhikkhukesara