ရှင်အာနန္ဒာမထေရ်မြတ်

ရှင်အာနန္ဒမထေရ်မြတ်ဟာ မြတ်စွာဘုရားရှင်ရဲ့ ၀မ်းကွဲ ညီတော်ဖြစ်ပြီး မြတ်စွာဘုရားနဲ့ အလွန်အကျွမ်းဝင်တော် မူတဲ့မထေရ် မြတ်ဖြစ်တယ်။ နောက်ဆုံးဘ၀မှာ တုသိတာနတ်ပြည်ကနေ စုတေခဲ့တာ ဖြစ်ပြီး ဘုရားအလောင်းတော်နဲ့ တစ်ရက်တည်းမှာဘဲ ဖွားတော်မူခဲ့တယ်။ အရှင်မြတ်ရဲ့ ခမည်းတော်ဟာ အမိတောဒနဖြစ်ပြီး သုဒ္ဓေါဒနမင်းကြီးရဲ့ ညီတော်ဖြစ်တယ်။ ဒါကြောင့်မို့လို့ မဟာနာမ်မင်းသားနဲ့ အနုရုဒ္ဓမင်းသားတို့ဟာလည်း အရှင်မြတ်ရဲ့ ညီအစ်ကိုတွေဖြစ်တယ်။ မဟာဝတ္ထုမှာတော့ ရှင်အာနန္ဒဟာ သုကောဒနမင်း ရဲ့ သားတော်ဖြစ်ပြီး ဒေ၀ဒတ္တနဲ့ ဥပဓါန တို့နဲ့ ညီအစ်ကိုဖြစ်တယ်လို့ ဆိုတယ်။ မယ်တော်ကတော့ မာဂီ မိဘုရား ဖြစ်တယ်။

အာနန္ဒာမင်းသားဟာ မြတ်စွာဘုရားရှင် ဘုရားဖြစ်တော်မူပြီး နှစ်ဝါမြောက်မှာ ‘‘ဘဒ္ဒိယ၊ အနုရုဒ္ဓ၊ ဘဂု၊ ကိမိလ၊ ဒေ၀ဒတ္တ’’ မင်း သားတို့နဲ့ အတူတူ ရဟန်းပြုခဲ့တယ်။ (Vin.ii.182) ဥပဇ္ဈာယ်ဆရာက ဗေလဋ္ဌသီသ မထေရ်မြတ်ဖြစ်တယ်။ (ThagA.i.68; DA.ii.418ff.; Vin.i.202; iv. 86) ။ ရဟန်းပြုပြီး မကြာမြင့်မီမှာဘဲ ပုဏ္ဏမန္တာနီ ပုတ္တမထေရ်ရဲ့ တရားကို နာကြားရပြီး သောတပန် ဖြစ်ခဲ့တယ်။ ရှင်အာနန္ဒမထေရ်မြတ်ဟာ ပုဏ္ဏမန္တာနီ ပုတ္တမထေရ်ရဲ့ ကျေးဇူးတရားကို မြွက်ကြားထားပြီး အရှင်မြတ်နာကြားရတဲ့ တရားတော်ကို ပြန်လည် ဟောကြားထားတာကို တွေ့ကြရတယ်။ 

မြတ်စွာဘုရားရှင်ဟာ ပထမ၀ါတော်နှစ်ဆယ်အတွင်းမှာ အမြဲတမ်းအလုပ်ကျွေးရဟန်းတော် မရှိခဲ့ဘူး။ အဆင်သင့်တဲ့ ရဟန်း တော်တွေကသာ မြတ်စွာဘုရားရှင်ကို လုပ်ကျွေးခဲ့ကြတယ်။ ဥပမာအားဖြင့်၊ နာဂသမာလ၊ နာဂိတ၊ ဥပ၀ါန၊ သုနက္ခတ္တ၊ စုန္ဒသာမဏေ၊ သာဂတ၊ ရာဓနဲ့ မေဃိယ ရဟန်း တို့ဖြစ်တယ်။ အဲဒီ ရဟန်းတော်တွေဟာ မြတ်စွာဘုရားရှင်ကို အဆင်ပြေချောမွေ့အောင် မလုပ်ကျွေးနိုင်ခဲ့ဘူးလို့ ဆိုတယ်။ ၀ါတော်နှစ်ဆယ်ကျော်လွန်တဲ့ အခါ မြတ်စွာဘုရားရှင်ဟာ ရဟန်းပရိသတ်ရဲ့ မျက်မှောက်မှာ သက်တော်ကြီးရင့်လာပြီဖြစ်လို့ အစစ၊ အရာရာ ရိုသေလေးစွာသမူနဲ့ လုပ်ကျွေးမဲ့ အမြဲတမ်းအလုပ်ကျွေးရဟန်းတော်တစ်ပါး အလိုရှိတော် မူကြောင်းမိန့်တော်မူပါတယ်။ အကြောင်းကတော့ မြတ်စွာဘုရားကို အလုပ်ကျွေးပြုခဲ့ကြတဲ့ ရဟန်းတော်တွေဟာ တခါတရံ မြတ်စွာဘုရားရဲ့ စကားတော်ကို မနာယူခဲ့ဘူး၊ တခါမှာ မြတ်စွာဘုရားရဲ့ သပိတ်၊ သင်္ကန်းတော်တွေကို မြေမှာ ချမည့် ဟန်ပြုပြီး မြတ်စွာဘုရားကို တစ်ပါးတည်းထား၊ လမ်းခွဲသွားခဲ့တယ် လို့ဆိုပါတယ်။

မြတ်စွာဘုရားရှင်ရဲ့ စကားကို ကြားတော်မူတဲ့အခါ ရှင်သာရိပုတ္တရာ အစရှိတဲ့ မထေရ်ကြီးတွေဟာ မြတ်စွာဘုရားရှင်ကို လုပ်ကျွေးဖို့ ခွင့်တောင်းတော်မူခဲ့တယ်။ သို့ပေမဲ့ မြတ်စွာဘုရားက ခွင့်ပေးတော်မမူခဲ့ပါဘူး။ နောက်ဆုံး ရှင်အာနန္ဒာ မထေရ်မြတ် တစ်ပါးသာကျန်ရှိပြီး ရှင်အာနန္ဒာဟာ တိတ်တဆိတ်သာ နေတော်မူခဲ့တယ်။ အခြားရဟန်းတွေက အရှင်မြတ်ကို ဘာကြောင့် တိတ်တဆိတ်နေတော်မူလဲ မေးတဲ့အခါ ရှင်အာနန္ဒာမထေရ်မြတ် က မြတ်စွာဘုရားရှင်ဟာ အလုပ်အကျွေးပြုဖို့ ဘယ်သူဟာ အသင့်တော်ဆုံးဖြစ်တယ်ဆိုတာ သိတော်မူလိမ့်မယ် လို့ ဖြေတော်မူတယ်။ အဲဒီ အခါမှ မြတ်စွာဘုရားဟာ ရဟန်းတွေကို အာနန္ဒာ ဟာ အလုပ်ကျွေးပြုဖို့ လျှောက်ထားလိမ့်မယ်လို့ မိန့်တော်မူပါတယ်။ ဒီအခါ ရှင်အာနန္ဒာမထေရ်မြတ်ဟာ မြတ်စွာဘုရား ရှင်ထံ အလုပ်ကျွေးပြုတော်မူဖို့ အတွက် ‘‘ပယ်လေးတန်၊ ခံလေးပါး’’ လို့ထင်ရှားတဲ့ ဆုရှစ်ပါးကို တောင်းခံတော်မူတယ်။

 ပယ်လေးတန်ဆိုတာကတော့ မြတ်စွာဘုရားကို လုပ်ကျွေးတဲ့အခါ မြတ်စွာဘုရားက (၁) ကောင်းမြတ်တဲ့ သင်္ကန်းကို မပေးစွန့်ပါနဲ့ဘုရား၊ (၂) ကောင်းမြတ်တဲ့ ဆွမ်းကို မပေးစွန့်ပါနဲ့ဘုရား၊ (၃) မြတ်စွာဘုရားနဲ့ အတူ ဂန္ဓကုဋိတိုက်အတွင်းမှာ သီတင်းသုံးနေထိုင်ခွင့်မပေးပါနဲ့ဘုရား၊ (၄) မြတ်စွာဘုရားကို ပင့်ဖိတ်ရာ အရပ်တို့မှာ အတူခေါ်ဆောင်ခြင်း မပြုပါနဲ့ ဘုရား၊ ဆိုတဲ့ လေးချက်ဖြစ်တယ်။

ဒီ လေးချက်ကို တောင်းရတဲ့ အကြောင်းရင်းကတော့ အခြားပုဂ္ဂိုလ်တွေက အာနန္ဒာဟာ မြတ်စွာဘုရားထံက သင်္ကန်းကောင်း ရလို့၊ ဆွမ်းကောင်း ဘုဉ်းပေးရလို့၊ ဂန္ဓကုဋိတိုက်တော်အတွင်းမှာ အတူနေရလို့၊ မြတ်စွာဘုရားကိုပင့်ဖိတ်ရာမှာ အတူကြွရလို့ မြတ်စွာ ဘုရားကို လုပ်ကျွေးတော်မူခြင်းဖြစ်တယ် လို့ ရူတ်ချအပြစ်တင်ကြမှာ စိုးသောကြောင့်ဖြစ် ပါတယ်။ ခံလေးပါးဆိုတာကတော့

(၁) မြတ်စွာဘုရားဟာ ရှင်အာနန္ဒာကတစ်ဆင့် ပင့်ဖိတ်မူကို ကြွရောက်တော်မူပါရန်၊ (၂) အဝေးမှ လာတဲ့ ဘုရားဖူး ပရိသတ် တွေကို မြတ်စွာဘုရားထံ ခေါ်ဆောင်လာပြီး ဘုရားဖူးမျှော်ရန် ခွင့်ပေးနိုင်ပါရန်၊ (၃) တရားတော်နဲ့ ပတ်သက်ပြီး ယုံမှားသံသယ ဖြစ်ပေါ်လာတဲ့ ခဏမှာ မြတ်စွာဘုရား ကို မေးလျှောက်ခွင့်ပေးပါရန်၊ (၄) မျက်ကွယ်မှာ ဟောကြားတော်မူတဲ့ တရားတော်တွေကို ပြန်လည် ကြားနာခွင့် ပေးပါရန် စတဲ့ လေးချက်ဖြစ်တယ်။ ဒီလိုခံလေးပါးကို တောင်းရတဲ့ အကြောင်းရင်းကတော့ အကယ်၍ ဒီ လို အခွင့်ရေးတွေကိုမှ မရခဲ့ရင် အခြားသူတွေဟာ အာနန္ဒာမထေရ် ဟာ မြတ်စွာဘုရားထံ လုပ်ကျွေးပြီး ဘာအခွင့်ရေးမှ ချီးမြှောက်မခံရပါလားလို့ အပြစ်တင်ကဲ့ရဲ့ကြမှာစိုးတဲ့ အတွက်ဖြစ်တယ် လို့ ဆိုပါတယ်။

မြတ်စွာဘုရားရှင်ဟာ ရှင်အာနန္ဒာမထေရ်မြတ်တောင်းတော်မူတဲ့ ‘‘ပယ်လေးတန်၊ ခံလေးပါး’’ ဆိုတဲ့ ဆုရှစ်ရပ် ကို လိုက်လျော သဘောတူတော်မူခဲ့တယ်။

သို့သော်လည်း ရှင်အာနန္ဒာမထေရ်မြတ်ဟာ ပုက္ကုသ မလ္လာမင်းသားက မြတ်စွာဘုရားရှင်ကို လှူဒါန်းတော်မူတဲ့ သင်္ကန်းတော် နှစ်စုံ အနက်တစ်စုံကို လက်ခံတော်မူခဲ့တယ်။ ရှင်ဗုဒ္ဓဃောသ ကတော့ ဒီလို လက်ခံခဲ့ခြင်းဟာ အဲဒီ အချိန်က မြတ်စွာဘုရားရှင် ဟာ ပရိနိဗ္ဗာန်ဝင်စံတော်မူချိန်နီးကပ်နေပြီဖြစ်ပြီး ရှင်အာနန္ဒာရဲ့ အလုပ်အကျွေးတာဝန်ပြီးဆုံးတော့မဲ့ အချိန်ဖြစ်လို့ အကယ်၍ လက်မခံခဲ့ရင် အများက မြတ်စွာဘုရားဟာ နှစ်ပေါင်းများစွာ အလုပ်ကျွေးပြုခဲ့တဲ့ ရှင်အာနန္ဒာကို ဘာမှ ချီးမြှောက်တော်မမူခဲ့ဘူး လို့ စွပ်စွဲပြစ်တင်ကြမှာ ဖြစ်တဲ့အတွက်ကြောင့်လို့ ရှင်းပြထားပါတယ်။ ဒါ့အပြင် နောက်ပိုင်းမှာ ရှင်အာနန္ဒာဟာ အဲဒီ သင်္ကန်းကို ဘဲ မြတ်စွာဘုရားရှင်ကို ပြန်လည်လှူဒါန်းခဲ့ကြောင်းတွေ့ရတယ်။

အဲဒီ အချိန်ကစပြီး ရှင်အာနန္ဒာမထေရ်မြတ်ဟာ (၂၅) နှစ်ပတ် လုံး မြတ်စွာဘုရားရဲ့ နောက်တော်ပါးမှာ အရိပ်ပမာလိုက်ပြီး လိုအပ်သမျှအတွက် အလုပ်အကျွေးပြုတော်မူခဲ့ တယ်။ မြတ်စွာဘုရား ကို ရေပူ၊ ရေချမ်းကပ်တော်မူတယ်။ ခြေဆေးရေ ပြင်ပေး တော်မူတယ်။ ဒန်ပူကပ်တော်မူတယ်။ ဂန္ဓကုဋိတိုက်ခန်းနဲ့ ကျောင်းပရဝဏ်ကို တံမြက် လှည်းတော် မူတယ်။ ခြေဆုပ်လက်နယ် လည်းပြုတော် မူတယ်။ နေ့ဘက်မှာ မြတ်စွာဘုရားရှင် အလိုရှိရာစေတော်မူဖို့ အနီးအပါးမှာ နိုးကြားတဲ့ သတိနဲ့ နေတော်မူတယ်။

ညအခါမှာတော့ ဆီးမီးတိုင်ကို စွဲကိုင်တော်မူပြီး ကိုးကြိမ်၊ ကိုးခေါက် မြတ်စွာဘုရားသီတင်းသုံးတော်မူတဲ့ ဂန္ဓကုဋိတိုက်ခန်း ပရ၀ဏ်ကို ပတ်တော်မူပြီး မြတ်စွာဘုရားအလိုရှိတော်မူရာ ဖြည့်ဆည်းဖို့ နိုးကြားစွာနေတော်မူတယ်။

ရှင်အာနန္ဒာရဲ့ မြတ်စွာဘုရားအပေါ် အထူးဂရုစိုက်လုပ်ကျွေးမူနဲ့ ပတ်သက်ပြီး မြတ်စွာဘုရားရှင်ရဲ့ နောက်ဆုံးနေ့ရက်တွေကို မှတ်တမ်းတင်ထားတဲ့ မဟာပရိနိဗ္ဗာနသုတ်မှာ ထင်ထင်ရှားရှားတွေ့ကြရတယ်။ရှင်အာနန္ဒာဟာ မြတ်စွာဘုရားရှင်နဲ့သက်တူရွယ် တူဖြစ်တော်မူတယ်။ 

သို့သော်လည်းနာမကျန်းဖြစ်တော် မူနေတဲ့ မြတ်စွာဘုရားကို ရေခပ်ပေးတော်မူတယ်၊ ရေချိုးပေးပြီးချေး ညှော်စ သည်ကို ပွတ်သပ်ပေးတော်မူတယ်။ မြတ်စွာဘုရားအတွက် အိပ်ယာ၊ နေရာထိုင်ခင်းပြင်ဆင်ပေးတော်မူတဲ့အပြင်မြတ်စွာ ဘုရားထံက ကိစ္စအ၀၀နဲ့ ပတ်သက်ပြီး အရေးကြီးတဲ့ နောက်ဆုံးညွှန်ကြားချက်တွေ ကိုလည်း မှတ်သားနာ ယူတော်မူတယ်။ မြတ်စွာဘုရားရှင် နာမကျန်းဖြစ်တော်မူတာနဲ့ ပတ်သက်ပြီး ရှင်အာနန္ဒာဟာ စိတ်ပင်ပန်းဝမ်းနည်းတော်မူရတယ် လို့လည်းတွေ့ကြရတယ်။ 

သက်တူရွယ်တူဖြစ်တော်မူတဲ့ နောင်တော် မြတ်စွာဘုရားကို ရှင်အာနန္ဒာမထေရ်မြတ်ရဲ့ ဂရုတစိုက် လုပ်ကျွေး ပုံတွေ ကို ဖတ်ရူသိရှိရတာဟာ ၀မ်းသာ၊ ၀မ်နည်းဖြစ်ရပါတယ်။ ရှင်အာနန္ဒာဟာ မြတ်စွာဘုရားရဲ့ ကိုယ်ခန္ဓာ မှာ ဖြစ်ပေါ်နေတဲ့ အပြောင်းလဲတိုင်းကို ဂရုပြုသိရှိတော်မူတယ်။ ဥပမာ၊ ဇန၀သဘ နတ်မင်းပြန်လည် ထွက်ခွာသွားတဲ့ အချိန်မှာ မြတ်စွာဘုရားရှင်ရဲ့ ကိုယ်အင်္ဂါအစိတ်ပိုင်းတော်တွေက တောက်ပလင်းလက်တဲ့ ရောင်ခြည်တော်တွေထွက်ပေါ်လာတာ၊ ပြီးတော့ ပရိနိဗ္ဗာဝင်စံတော်မမူခင် အချိန်မှာ အသားအရေတော်ထွန်းပသွားတာ၊ အထူးသဖြင့် ပုက္ကုသမလ္လာမင်း လှူဒါန်းလိုက်တဲ့ သင်္ကန်းတော်ကို ၀တ်ရုံဆင်မြန်းလိုက်တဲ့ အခါမှာဖြစ်တယ်။

ဒေ၀ဒတ်ရဲ့ အစီအမံနဲ့ ဆင်ထိန်းတွေက နာဠာဂိရိဆင်ကို အရက်မူးအောင်တိုက်ပြီး မြတ်စွာဘုရားကိုနင်းသတ်ဖို့ မြတ်စွာဘုရား ဆွမ်းခံကြွတော်မူရာလမ်းမှာ စေလွှတ်တဲ့အခါ ရှင်အာနန္ဒာ မထေရ်မြတ်ဟာ မြတ်စွာဘုရားရဲ့ ရှေ့တော်ကနေ ထွက်ပြီး ကာကွယ် တော်မူတယ်။ မြတ်စွာဘုရားရှင်က ရှင်အာနန္ဒာကို သုံးကြိမ်တိုင်တိုင် ဖယ်တော်မူခိုင်းပေမဲ့ ခါတိုင်း မြတ်စွာဘုရားရဲ့ စကားတော် ကို နာယူတော်မူတဲ့ ရှင်အာနန္ဒာဟာ ဒီအခါမှာတော့ ဖယ်တော်မမူခဲ့ဘူး။ ဒါကြောင့်မို့လို့ မြတ်စွာဘုရားက တန်ခိုးဣဒ္ဓိပါဒ်နဲ့ မြေကြီးကို တွန့်လိပ်စေပြီး ရှင်အာနန္ဒာမထေရ်မြတ်ကို ဆင်နဲ့လွတ်ရာ ဖယ်ရှားတော်မူခဲ့ရတယ် လို့ ဆိုတယ်။ ဒီအကြောင်းရာနဲ့ ဆက်စပ်ပြီး မြတ်စွာဘုရားက အာနန္ဒာဟာ ယခုဘ၀မှာသာ မြတ်စွာဘုရားရှင်အတွက် အသက်စွန့်နိုင်တာ မဟုတ်သေးဘူး။ ရှေ့အလောင်းတော်ဘ၀တုန်းကလည်း ငါဘုရားကို ကယ်တင်ဖို့ အသက်စွန့်ခဲ့တယ် လို့ မိန့်တော်မူပြီး စူဠဟံသ ဇာတ်တော်ကို ဟောတော်မူတယ်။ အဲဒီ အတိတ်အကြောင်းနဲ့ ပတ်သက်ပြီး ၀ိနည်း၊ စူဠ၀ါမှာတော့ မတွေ့ကြရဘူး။ 

တခါတရံမှာ အရှင်အာနန္ဒာမထေရ်မြတ်ရဲ့ မြတ်စွာဘုရားပေါ် အထူးဂရုစိုက်လုပ်ကျွေးမူဟာ အပြစ်ဖြစ်ရပြီး မြတ်စွာဘုရားရဲ့ အပြစ်တင်ခြင်းကို ခံရကြောင်းလည်း တွေ့ကြရတယ်။ မြတ်စွာဘုရား လေနာရောဂါဖြစ်တဲ့ အခါတုန်းကဖြစ်တယ်။ ရှင်အာနန္ဒာ ဟာ မြတ်စွာဘုရား လေနာရောဂါဖြစ်ရင် ‘‘တေကဋုလယာဂု’’ လို့ခေါ်တဲ့ ‘‘နှမ်း၊ ဆန်၊ ပဲနောက်’’ ရောပြီးချက်ပြုတ်ထားတဲ့ ယာဂု ကို သောက်ရင် ပျောက်တော်မူကြောင်း သိတယ်။ ဒါကြောင့်မို့ အရှင်မြတ်ဟာ ယာဂု ချက်ဖို့ လိုအပ်တဲ့ ပစ္စည်းတွေကို တောင်းခံ ပြီး ကျောင်းတွင်းမှာ သိမ်းဆည်းထားတယ်။ ပြီးတော့ ကိုယ်တိုင်ချက်ပြုတ်ပြီး မြတ်စွာဘုရားကို ကပ်တော်မူပါတယ်။ မြတ်စွာဘု ရားရှင်က ယာဂုနဲ့ ပတ်သက်ပြီး စစ်မေးတော်မူတဲ့အခါ ရှင်အာနန္ဒာရဲ့ သိမ်းဆည်း၊ ချက်ပြုတ်မူဟာ ရဟန်းတွေရဲ့ ကျင့်ကြံမူနဲ့ မလျော်ညီ၊ မသင့်တင့်၊ မအပ်စပ်ဘူးလို့ အပြစ်တင်ရူတ်ချတော်မူပြီး ၀ိနည်းပညတ်တော်မူကြောင်းတွေ့ရတယ်။ 

သို့သော်လည်း ရှင်အာနန္ဒာမထေရ်မြတ်ဟာ အလုပ်ကျွေးရဟန်းတော်တစ်ပါးရဲ့ တာဝန်ကို ထမ်းရွက်ရာမှာ အကျွမ်းကျင်ဆုံး၊ ဂရုအထားဆုံး အရှင်မြတ်ဖြစ်တော်မူတယ်။ မြတ်စွာဘုရားရှင်ဟာ ရဟန်းတွေကို ဆင့်ခေါ်ချင်တဲ့ အခါဖြစ်စေ၊ တစ်စုံတစ်ယောက် ကို သတင်းစကားပြောကြားချင်တဲ့အခါဖြစ်စေ ရှင်အာနန္ဒာမထေရ်မြတ်ကိုသာ စေတော်မူတယ်။ 

အရှင်မြတ်ဟာ ကြားသိခဲ့ရတဲ့ စိတ်ဝင်စားဖွယ်သတင်းစကားတွေ ကိုလည်း မြတ်စွာဘုရားအား လျှောက်ကြားတတ်ကြောင်းတွေ့ ကြရတယ်။ ဥပမာ စုဒ္ဒသမဏုဒ္ဒေသ ထံက ကြားသိခဲ့ရတဲ့ ‘‘နိဂဏ္ဌနာဋပုတ္တ’’ ရဲ့သေဆုံးမူသတင်းစကား 

နဲ့ မြတ်စွာဘုရားရှင်ကို လုပ်ကြံဖို့ ကြံစည်တဲ့ ဒေ၀ဒတ်နဲ့ ပတ်သက်တဲ့ သတင်းစကားဖြစ်တယ်။ 

မြတ်စွာဘုရားနဲ့ သံဃာတော်တွေကို ဆွမ်းလုပ်ကျွေးဖို့ အခက်ခဲကြုံတွေ့ရတဲ့ ဒါယာကာ၊ ဒါယိကာမတွေဟာ သူတို့ရဲ့ အခက်ခဲ တွေနဲ့ ပတ်သက်ပြီး ရှင်အာနန္ဒာမထေရ်မြတ်နဲ့ တိုင်ပင်ဆွေးနွေးလေ့ရှိကြောင်းလည်းတွေ့ကြရတယ်။ ဥပမာ၊ အန္ဓ၀ိန္ဒက ဗြာဟ္မ ဏနဲ့ ရောဇ မလ္လာမင်းသားဖြစ်တယ်။

ရဟန်းတော်တွေက မြတ်စွာဘုရားရဲ့ တရားတော်ကို နာကြားရဖို့ အရှင်မြတ်ကိုတောင်းပန်ကြတဲ့အခါ ရှင်အာနန္ဒာမထေရ်မြတ် ဟာ မြတ်စွာဘုရားကို စွမ်းသမျှကြိုးစားလျှောက်ထားကြောင်းလည်းတွေ့ရတယ်။ ဥပမာ- မြတ်စွာဘုရားရှင် ပါရိလေယျတော အုပ်မှာ တစ်ပါးတည်း သီတင်းသုံးတော်မူစဉ်က ဖြစ်တယ်။ 

တခါတရံမှာ ရှင်အာနန္ဒာမထေရ်မြတ်ဟာ အချို့သောပုဂ္ဂိုလ်တွေ ကို မြတ်စွာဘုရားရဲ့တရားတော်အား နာကြားခွင့်ရစေဖို့ ရည်ရွယ်ပြီး မြတ်စွာဘုရားနဲ့ တွေ့ခွင့်ရအောင် လျှောက်ထားတောင်းပန်တာကိုလည်း တွေ့ရတယ်။ ဥပမာ - နိဂဏ္ဌ သစ္စက နဲ့တွေ့ဆုံပြီး တရားဓမ္မဆွေးနွေးဖို့ တောင်းပန်တာဖြစ်တယ်။  ပြီးတော့ သင်္ဂါရ၀နဲ့ ရမ္မက ဗြာဟ္မဏ တို့ဖြစ်တယ်။ အလား တူဘဲ သမိဒ္ဓိ မထေရ်မြတ်ဟာ တရားတော်နဲ့ ပတ်သက်ပြီး အယူမှားဖြစ်ပေါ်နေတဲ့အခါ အရှင်မြတ်ဟာ သမိဒ္ဓိမထေရ်ကို မြတ်စွာ ဘုရားထံမှောက် ခေါ်ဆောင်လာပြီး တရားဓမ္မဆွေးနွေးလျှောက်ထားစေတယ်လို့ဆိုတယ်။

 ကိမိလမထေရ် နဲ့ ရဟန်းတော်များဟာ အာနာပါနဿတိ ကမ္မဋ္ဌာန်းကို ပွားများအားထုတ်ရင် အကျိုးစီးပွားဖြစ်ထွန်းမယ် ဆိုတာ တွေးမိပြီး အရှင် အာနန္ဒာမထေရ်က မြတ်စွာဘုရားကို အာနာပါနဿတိ ကမ္မဋ္ဌာန်းဟောကြားဖို့ တောင်းပန်လျှောက်ထားတယ်လို့ မြတ်စွာ ဘုရားဟောကြားတော်မူတယ် လို့လည်း တွေ့ရတယ်။ သို့သော်လည်း တခါတရံ မြတ်စွာဘုရားဟာ ရှင်အာနန္ဒာမထေရ်မြတ်ရဲ့ တောင်းပန်လျှောက်ထားမူကို လိုက်လျောတော်မမူဘူး။ ဥပမာ အရှင်မြတ်က မြတ်စွာဘုရားကို ပါတိမောက္ခပြဖို့ သုံးကြိမ်၊ သုံးခါ တောင်းပန်လျှောက်ထားပေမဲ့၊ မစင်ကြယ်တဲ့ ရဟန်းတော် ရဟန်းပရိသတ်မှာ မရှိတဲ့အခါကြမှသာ မြတ်စွာဘုရားရှင် ဥပုသ်ပြု တော်မူတယ်။

 ဝေသာလီပြည် မှာ မြတ်စွာဘုရားရှင် က အသုဘကမ္မဋ္ဌာန်းဟောကြားလို့ ရဟန်းပေါင်းသုံးဆယ်ဟာ ကမ္မဋ္ဌာန်းတရားပွားများအား ထုတ်ကြတဲ့အခါ ရဟန်းတွေဟာ မိမိကိုယ်ခန္ဓာကို အလွန်စက်ဆုပ်တဲ့ဉာဏ်ပေါ်လာကြလို့ ဓားလက်နက်နဲ့ အဆုံးစီရင်ကြတယ် လို့ဆိုတယ်။ ဒီအခါ ရှင်အာနန္ဒာမထေရ်မြတ်က မြတ်စွာဘုရားကို အခြား ကမ္မဋ္ဌာန်းတစ်ခုကို ပြောင်းလဲဟောကြားတော်မူဖို့ တောင်းပန်လျှောက်ထားတော်မူတယ်။ ဒီအခါမှာ မြတ်စွာဘုရားက အာနာပါနဿတိကမ္မဋ္ဌာန်း ကို ဟောကြားတော်မူတယ်လို့ ဆိုတယ်။ 

မြတ်စွာဘုရား ခရီးဝေးဒေသစာရီကြွတော်မူတဲ့အခါ မြတ်စွာဘုရားကိုယ်စား ဖူးမြော်ဖို့အတွက် အရှင်မြတ်ဟာ အာနန္ဒာ ဗောဓိ ပင်ကိုလည်း စိုက်ပျိုးခဲ့တယ်။ (q.v.) အရှင်မြတ်ဟာ မြတ်စွာဘုရားရှင်ကို မလိုအပ်ဘဲ ပင်ပန်းနွမ်းနွယ်မှာ၊ အနှောက်ယှက်ဖြစ်မှာ စိုးရိမ်တော်မူတယ်။ ဒါကြောင့်မို့ ရဟန်းတော်တွေ အသုဘကမ္မဋ္ဌာန်းအားထုတ်ပြီး ကိုယ့်ကိုယ်ကို သတ်သေကြတဲ့ အခါမှာတောင် မှ မြတ်စွာဘုရားရင် နှစ်ပါတ်တာ တစ်ပါးတည်း သီတင်းသုံးတော်မူပြီးမှသာ လျှောက်ထားတော်မူတယ်။ အကြောင်းကတော့ မြတ်စွာဘုရားဟာ ဆွမ်းပို့မဲ့ ရဟန်းတော်ကလွဲပြီး မည်သူမှ မချဉ်းကပ်ရ လို့ မိန့်တော်မူထားလို့ ဖြစ်တယ်။

မြတ်စွာဘုရားရှင် ပရိနိဗ္ဗာန်စံတော်မူခါနီးမှာလည်း သုဘဒ္ဒ ပရိဗိုဇ်ကို မြတ်စွာဘုရားကို တွေ့ဆုံဖို့တောင်းပန်ပေမဲ့ ရှင်အာနန္ဒာ မထေရ်မြတ်ဟာ မြတ်စွာဘုရားပင်ပန်းတော်မူမှာ စိုးတဲ့အတွက် တွေ့ခွင့်မပေးခဲ့ဘူး။ မြတ်စွာဘုရားရှင်က ကြားသိတော်မူပြီး ခွင့်ပြုမှသာ သုဘဒ္ဒပရိဗိုဇ် မြတ်စွာဘုရားကိုတွေ့ခွင်ရတယ်။ အဲဒီနေ့မှာဘဲ ကုသိနာရုံက မလ္လာမင်းသားတွေနဲ့ သူတို့ရဲ့ မိသားစု တွေ မြတ်စွာဘုရားကို နောက်ဆုံးဖူးမြော်ဖို့လာကြတဲ့အခါ အရှင်မြတ်စွာ အုပ်စုလိုက်၊ အုပ်စုလိုက် တစ်စုချင်းခွဲပြီး မြတ်စွာဘုရား ကို အဆင်ပြေချောမွေ့စွာနဲ့ ဖူးတွေ့ခွင့်ရကြအောင် စီစဉ်ပေးတော်မူတယ်။ 

အရှင်မြတ်ဟာ တခါတရံမှာ အကြည်ညိုလွန်ကဲတဲ့ ဒါယကာ၊ ဒါယိကာမတွေရဲ့ မြတ်စွာဘုရားအလိုတော်နဲ့ ဆန့်ကျင်ပြုမူ မှုတွေ ကိုလည်း တားမြစ်တော်မူတယ်။ဥပမာ၊ ဗောဓိရာဇကုမာရမင်းသားက မြတ်စွာဘုရားရှင်ကို အဖိုးအသိန်းထိုက်တဲ့ ကမ္ဗလာပုဆိုး အခင်းပေါ်နင်းလျှောက်တော်မူဖို့ ခင်းထားတဲ့အခါ မြတ်စွာဘုရားရှင်က နင်းတော်မမူဘူး။ ဒါကြောင့်မို့ ရှင်အာနန္ဒာမထေရ်မြတ်က မင်းသားကို အခင်းဖယ်ရှားခိုင်း တယ်လို့ တွေ့ကြရတယ်။

ရှင်အာနန္ဒာမထေရ်မြတ်ရဲ့ တာဝန်များစွာထဲမှာ တာဝန်တစ်ရပ်ဟာ တရားဟောခန်းမထဲမှာ တရားနာကြားသူတွေပြန်သွားတဲ့ အခါ မေ့လျော့နေမဲ့ ဥစ္စာပစ္စည်းတွေကို သိမ်းဆည်းထားဖို့ဖြစ်တယ် လို့လည်း သိကြရတယ်။

သီတင်းသုံးဖော်မထေရ်မြတ်တွေဟာ မကြာခဏဆိုသလို တရားဓမ္မနဲ့ ပတ်သက်ပြီးဖြစ်ပေါ်တဲ့ သူတို့ရဲ့ အခက်ခဲတွေကို ရှင်အာ နန္ဒာမထေရ်မြတ်နဲ့ တိုင်ပင်တော်မူကြတယ်။ ၀င်္ဂီသမထေရ်ဟာ အမျိုးသမီးတစ်ယောက် ကို မြင်တွေ့ရပြီး စိတ်ဖောက်ပြန်တဲ့ အခါ ရှင်အာနန္ဒာမထေရ်မြတ်ကို ဖွင့်ဟ တိုင်ပင်တော်မူတယ်။ 

ရှင်အာနန္ဒာမထေရ်မြတ်နဲ့ တရားဆွေးနွေးတိုင်ပင်တော်မူတဲ့ အခြားမထေရ်မြတ်တွေကတော့ ‘‘ကာမဘူ၊ ဥဒါယီ၊ ဆန္နနဲ့ ဘဒ္ဒ’’ မထေရ်မြတ်တို့ဖြစ်တယ်။ သီတင်းသုံးဖော်ရဟန်းတော်တွေအပြင် အခြားပုဂ္ဂိုလ်တွေလည်း အရှင်မြတ်နဲ့ တရားဆွေးနွေးတော်မူကြောင်းသိရတယ်။ ဥပမာ ဃောသိတ ဗြာဟ္မဏ၊ ဥန္နာဘ၊ လိစ္ဆ၀ီ မင်းသား အဘယ၊ ပဏ္ဍိတ ကုမာရက၊ ပရဗိုဇ် ဆန္န၊ ကောကနုဒ၊ ဥပါသိကာ မိဂသာလာ ၊ ကောသမ္ဗီသူဌေးနဲ့ ပသနဒီ ကောသလမင်းကြီးတို့ ဖြစ်တယ်။ သူတို့အားလုံးဟာ ရှင်အာနန္ဒာမထေရ်မြတ်ထံကနေ တရားအဆုံး မ ခံယူခဲ့ကြတယ်။ ပသနဒီကောသလမင်းကြီးဟာ ရှင်အာနန္ဒာမထေရ်မြတ်ရဲ့ တရားစကားတော်ကို အလွန်နှစ်သက်တဲ့အတွက် အဇာတသတ်မင်း လက်ဆောင်ပေးထားတဲ့ အဖိုးထိုက်တန်တဲ့ အ၀တ်ကို သင်္ကန်းအဖြစ်ပေးလှူတယ် လို့တွေ့ရတယ်။

တခါတရံ မြတ်စွာဘုရားရှင်ထံက တရားတော်တွေကို အကျဉ်းအားဖြင့်နာယူမှတ်သားခဲ့တဲ့ ရဟန်းတော်တွေဟာ ရှင်အာနန္ဒာမထေရ်မြတ်ထံ ချဉ်းကပ်ပြီး အကျယ်ရှင်း လင်းပြဖို့ တောင်းပန်လျှောက်ထားကြတယ်။ ရှင်အာနန္ဒာမထေရ်မြတ်ဟာ တရားတော်ကို အကျယ်ရှင်းလင်းဟောကြားရာမှာ ထင်ရှားတော်မူတယ်။ 

မြတ်စွာဘုရားဟာ တခါတရံမှာ ရှင်အာနန္ဒာအကျယ်ရှင်းလင်းဟောကြားဖို့ ရည်ရွယ်ပြီး တရားအကျဉ်းမျှသာဟောကြားတော်မူတယ်လို့ ဆိုတယ်။ ရဟန်းတော်တွေဟာ ရှင်အာနန္ဒာမထေရ်မြတ်ရဲ့ ရှင်းလင်းဟောကြား မူတွေကို မြတ်စွာဘုရားအား ပြန်လည် လျှောက်ထားကြတဲ့အခါ မြတ်စွာဘုရားက ရှင်အာနန္ဒာရဲ့ ဉာဏ်ပညာကို ချီးကျုးတော်မူတယ်။ A.v.229။ တစ်ခါမှာ ဥပါသကာ တစ်ယောက်က ‘‘တရား’’ တော်ကို ဘယ်လိုပူဇော်ရပါမလဲ ဘုရားလို့ မြတ်စွာဘုရားကို မေးလျှောက်တဲ့အခါ တရားတော်ကို ပူဇော်ချင်တဲ့သူဟာ ရှင်အာနန္ဒာမထေရ်မြတ်ကို ပူဇော်ပါ လို့ မြတ်စွာဘုရားမိန့်ကြားတော်မူတယ်။

(ရှင်အာနန္ဒာ၏ ရှင်းလင်းချက်)

အရှင်ဘုရား သာရိပုတ္တရာ ဤသာသနာတော်၌ ရဟန်းသည် သုတ်၊ ဂေယျ၊ ဝေယျာကရဏ၊ ဂါထာ၊ ဥဒါန်း၊ ဣတိဝုတ်၊ ဇာတ်၊ အဗ္ဘုတဓမ္မ၊ ဝေဒလ္လ ဟူသော ဓမ္မကို သင်ယူ၏။ ထို ရဟန်းသည် ကြားနာတိုင်း သင်ယူတိုင်းသော တရားကို အကျယ်အားဖြင့် သူတပါးတို့အား ဟောကြား၏။ အကျယ်အားဖြင့် သူတပါးတို့အား သင်ကြားပို့ချ၏။ အကျယ်အားဖြင့် သရဇ္ဈာယ်ခြင်းကို ပြု၏။ စိတ်ဖြင့် အဖန်ဖန် ကြံ၏။ သုံးသပ်၏။

 ရှုဆင်ခြင်၏။ ဓမ္မ၊ ၀ိနည်း၊ ပါတိမောက်ကို ဆောင်ကုန်သော အကြားအမြင်များသည့် မထေရ် ရဟန်းတို့ နေထိုင်ရာ ကျောင်းတိုက်၌ ၀ါကပ်၏။ ရံဖန်ရံခါ ထို မထေရ်ကြီးတို့သို့ ချဉ်းကပ်၍ “အရှင်ဘုရား ဤတရားက အသို့ ဖြစ်ပါသနည်းဘုရား၊ ဤပါဠိ၏ အနက် အဓိပ္ပါယ်ကား အသို့ဖြစ်ပါသနည်းဘုရား’’ ဟု အဖန်ဖန် မေးမြန်း၏။ ပညာဖြင့်နှိုင်းချိန် ၏။ မထေရ်ကြီးတို့သည် ထို အရှင်အား မသိသေးသည် ကို သိရှိစေ၏။ မရှင်းလင်းသည် ကို ရှင်းလင်းသွားစေ၏။ ယုံမှားဖြစ် ဖွယ်များစွာတို့၌လည်း ယုံးမှားကို ပယ်ဖျောက်ပေးကုန်၏။

‘‘အရှင်ဘုရား သာရိပုတ္တရာ၊ ဤသို့ ပြုကျင့်သော ရဟန်းအား မကြားဖူးသေးသော တရားတို့ကိုလည်း ကြားနာရ၏။ ကြားနာဖူး ပြီးသော တရားတို့သည်လည်း မပျောက်ပျက်ကုန်၊ သိပြီးကုန်သော တရားတို့သည်လည်း ထိုရဟန်း၏ စိတ်တွင် ထင်ရှားပါကုန် ၏။ မသိဖူးသေးသော တရားကိုလည်း သိရပါ၏။’’

(ရှင်သာရိပုတ္တရာ၏ ချီးမွမ်းစကား)

‘‘ငါ့ရှင် အာနန္ဒာ မဖြစ်ဖူးမြဲ အံ့သြဖွယ်ကောင်းပေစွ၊ ငါ့ရှင် အာနန္ဒာသည် ဤအကြောင်းကို အလွန်ကောင်းစွာသာလျှင် ဟောကြား ပါပေ၏။ ငါ့ရှင် အာနန္ဒာကို ဤတရားခြောက်မျိုးနှင့် ပြည့်စုံသူဟူ၍ ငါတို့ မှတ်ယူပါကုန်၏။’’

(အာနန္ဒာသုတ်၊ ဓမ္မိက၀ဂ်၊ ဆက္ကနိပါတ်၊ အဂုင်္တ္တရနိကာယ်)

သေက္ခသုတ် မှာ မြတ်စွာဘုရားဟာ ကပိလ၀တ်က သာကီဝင်တွေကို ညဥ့်နက်တဲ့တိုင်အောင် တရားဓမ္မဟောကြားပြီးတဲ့နောက် အရှင်အာနန္ဒာ မထေရ်မြတ်ကို ဆက်လက်ဟောကြားစေပြီး ခတ္တခဏ အနားယူကျိန်းစက်တော်မူတယ်။ နိုးတော်မူလာတဲ့အခါ မြတ်စွာဘုရားက ရှင်အာနန္ဒာရဲ့ တရားဟောကြားမူစွမ်းရည်ကို ချီးမွမ်းတော်မူပါတယ်။ တခါတော့ မြတ်စွာဘုရားဟာ ရှင်အာ နန္ဒာကို ဘုရားအလောင်းတော်ဖွားတော် မူစဉ်က ဖြစ်ပေါ်ခဲ့တဲ့ အံ့သြဖွယ်ရာ ဖြစ်ရပ်တွေကို မေးမြန်းတော်မူတယ်။ ရှင်အာနန္ဒာ က မှတ်သားဆောင်ထားတဲ့ အံ့သြဖွယ်ရာတွေ ကို ပြန်လည်လျှောက်ထားပါ တယ်။ မြတ်စွာဘုရားရှင်က မှန်ကန်ကြောင်း ထောက်ခံပြီး ထပ်မံ ဖြည့်စွက်ခြင်းအားဖြင့် ‘‘အစ္ဆရိယ အဗ္ဘုတဓမ္မ’’ သုတ္တန် ဖြစ်ပေါ်လာခဲ့တယ်။ 

တခါတရံ ရှင်အာနန္ဒမထေရ်မြတ်ဟာ မြတ်စွာဘုရား ဟောကြားတော်မူတဲ့ သုတ္တန်တွေကို ဥပမာပြုဖို့ လျှောက်ထားတတ်တယ်။ ဥပမာ- ဓမ္မယာန ဥပမာ (S.v.5) တခါတရံတော့ သုတ္တန်တရားတော်တွေရဲ့ အမည်ကို ဥပမာပြုပြီး နာမည်ပေးဖို့ လျှောက်ထား တတ်ပါတယ်။ တခါတရံတော့ မှတ်သားဆောင်ထားရ လွယ်ကူအောင် သုတ္တန်တွေကို အမည်တစ်ခု ခု ပေးဖို့ လျှောက်ထားတတ် တယ်။ 

ရှင်အာနန္ဒာကိုယ်တော်မြတ် ကိုယ်တော်တိုင် ရဟန်းတွေကို ဟောကြားထားတဲ့ သုတ္တန် အတော်များများကိုလည်းတွေ့ကြရပါတယ်။ (E.g., A.ii.156f.; v.6) ပြီးတော့ လူဝတ်ပုဂ္ဂိုလ်တွေကို ဟောကြားထားတဲ့ သုတ္တန်တွေကို လည်းတွေ့ရတယ်။ သန္ဒက သုတ်မှာ ရှင်အာနန္ဒာနဲ့ နောက်ပါရ ဟန်းတော်တွေဟာ သန္ဒက ပရိဗိုဇ်ထံ ကြွသွားတော်မူပြီး တရားဟောကြားတဲ့အခါ ပရိဗိုဇ် က အရှင်မြတ်ရဲ့တရားတော်ကို အလွန်နှစ်သက်သွားပြီး သူ့တပည့်တွေကို မြတ်စွာဘုရားထံ တပည့်ခံပြီး တရားဓမ္မကျင့်သုံးဆောက် တည်စေခဲ့တယ် လို့ ဆိုတယ်။ မထေရ်မြတ်ဟာ မြတ်စွာဘုရားထံကနေ မှတ်သားဆောင်ထားခဲ့တဲ့ သုတ္တန်တရားတွေကိုလည်း ရဟန်းတွေကို ပြန်လည် ဟောကြား တတ်တယ်။ မြတ်စွာဘုရားက ခွင့်ပေးတော်မူထားတဲ့ အလိုရှိတဲ့ အချိန်မှာ တရားဓမ္မနဲ့ ပတ်သက်ပြီး မေးမြန်းလျှောက်ထားခွင့်ကိုလည်း အပြည့်အ၀ အသုံးချတော်မူခဲ့တယ်။ ရှင်အာနန္ဒာဟာ မြတ်စွာဘုရားနဲ့ ပတ်သက်ပြီး အသေးစိတ်ကစသိလိုစိတ်အားကြီးတော်မူပြီး မြတ်စွာဘုရားပြုံးတော်မူရင်လည်း အကြောင်းရင်းကို မေးတော်မူ တယ်။

 မြတ်စွာဘုရား ဆိတ်ဆိတ်နေတော်မူရင်လည်းအကြောင်းရင်းကို မေးတော်မူတယ်။ မြတ်စွာဘုရားရှင်ဟာ ခိုင်လုံတဲ့ အကြောင်းရင်းမရှိဘဲ ပြုမူတော်မမူဘူး ဆိုတာကို အရှင်မြတ်သိတော်မူတယ်။ ပရိနိဗ္ဗာန်စံတော်မူခါနီးအချိန် မြတ်စွာဘုရားက အနားမှာ ယပ်ခတ်ပေးနေတဲ့ ရှင်ဥပ၀ါန မထေရ်မြတ်ကို ဖယ်ခိုင်းတဲ့အခါ ရှင်အာနန္ဒာက အကြောင်းရင်းကို မေးလျှောက်တယ်။ မြတ်စွာဘုရားက ရှင်ဥပ၀ါန မထေရ်မြတ်ဟာ နတ်တွေ ဘုရားမဖူးနိုင်အောင် မြတ်စွာဘုရားကို ကွယ်နေလို့ ဖြစ်တယ် လို့ ပြန်လည် ဖြေကြားတော်မူပါ တယ်။ မြတ်စွာဘုရားရှင်ကလည်း ရှင်အာနန္ဒာမေးတဲ့ မေးခွန်းတိုင်းကို ကျေနပ် သဘောကျသည်အထိ ဖြေဆိုပေးတော်မူလေ့ရှိတယ်။ နာတိကာ ရွာသူ၊ ရွာသားတွေရဲ့ လားရာ ဂတိနဲ့ ပတ်သက်ပြီး အရှင်မြတ်က မြတ်စွာဘုရား ကို မေးမြန်းလျှောက်ထားတော်မူတဲ့အခါ ‘‘ဓမ္မဒါသ’’ တရားတော် ကို ဟောကြားတော်