စစ်ကိုင်းတံတား (အင်းဝတံတား)

စစ်ကိုင်းတံတားကို ဆုံးအောင်စစ်ပြန်တော့

သုံးထောင်နဲ့ ရှစ်ရာ့ခြောက်ဆယ်ပေ

မီးရထားလမ်းအကျယ်အဝေးအနေမှာ

နှစ်ဆယ့်လေးပေ မပိုမစား

မော်တော်ကားလမ်း အမြှောင်ဆွယ်ကာရယ်

လူသွား ခုနှစ်ပေထား

အုတ်တိုင်ကြီးများ အကွက်သွားမြိုင်တယ်

တစ်ဆယ့်နှင့် ငါးတိုင် တန်းစဉ်ထား

ခုံးပေါင်းတစ်ဆယ် လမ်းဖွင့်ထား၍

အခန်းတစ်ဒါဇင် အားရှိစေသည်

ကုန်စရိတ်တွေ အခုငွေသင့်ပြန်တော့

တစ်ကုဋ္ဋေနှင့် ငါးသန်းကျော်လေပြီ

ရေမှမြင့် တွေးဖွယ်မျှော်လျင်

လေးဆယ်ကျော် ငါးပေစွန်း၍

တံတားညွှန်းရေးဖွဲ့ပါသည်

စောနွဲ့ကဗျာစီ

နန်းတော်ရှေ့ တစ်နာမည်မှာ

မြန်မာပြည်ချစ်ကြောင်းသာပါ့လေး။

နန်းတော်ရှေ့ဆရာတင်

 စစ်ကိုင်းမြို့ နှင့် အမရပူရ မြို့နယ် ဘက်ကမ်း တို့ကို ချိတ်ဆက် ဖောက်လုပ် ပေးထား ခဲ့သည့် နာမည်ကျော် 'စစ်ကိုင်းတံတား' ခေါ် 'အင်းဝတံတားကြီး' မှာ ရတနာပုံ တံတားသစ်ကြီး ဖောက်လုပ် ပြီးစီးချိန်မှ စတင်၍ ဖြတ်သန်း သွားလာမှု နည်းပါး သွားခဲ့ပြီး ယခုအခါ မီးရထား များသာ အဓိက ဖြတ်သန်း သွားလာသည့် တံတားကြီး အဖြစ်သို့ ရောက်ရှိ နေ၍ ပြုပြင် ထိန်းသိမ်းမှု များလည်း လျော့နည်းလျက် ရှိနေသည်။ နာမည်ကျော် အင်းဝတံတား ကြီးသည် အမြင့် ၁ဝ၂ ပေရှိပြီး ၃၉၄၈ ပေ ရှည်လျားသည်။ တံတား အမျိုးအစား မှာ ပေါင်းကူး တံတား ဖြစ်ပြီး ယက်မကြီး ကိုးခု၊ ယက်မလတ် တစ်ခုနှင့် ယက်မငယ် ခြောက်ခု ပါရှိကြောင်း၊ ယက်မကြီး တစ်ခုလျှင် ပေ ၃၅ဝ၊ ယက်မလတ် မှာ ပေ ၂၅ဝ၊ အပိုင်းဆက် ယက်မငယ် တစ်ခုလျှင် ပေ ၆ဝ စီ ရှည်လျား ကြောင်း သိရသည်။

အင်းဝ တံတားကြီးကို ၁၉၃၄ ခုနှစ် ဇန်နဝါရီ ၂ ရက်က မြန်မာ ဘုရင်ခံ ဆာဟူးဂ်ျ လင်းစဒေါင်း စတီဖင်ဆန် ကိုယ်တိုင် အခမ်းအနား ဖြင့် ဖွင့်လှစ် ပေးခဲ့သည်။ ဒုတိယ ကမ္ဘာစစ် ဖြစ်ပွား ချိန်တွင် မြန်မာပြည်မှ ဗြိတိသျှ တပ်များ ဆုတ်ခွာသော အခါ မြေလှန်စနစ် အရ ၁၉၄၂ ခုနှစ် ဧပြီ ၃ဝ ရက်က တံတားကြီး၏ ပေါင်းကူး အမှတ်(၇) နှင့် (၈)တို့ကို ဒိုင်းနမိုက် ဖြင့် ဖောက်ခွဲ ဖျက်ဆီး ခဲ့ကြသည်။

 မြန်မာနိုင်ငံ လွတ်လပ်ရေး ရရှိပြီး နောက်ပိုင်း နှစ်ပေါင်း အတော်ကြာမျှ ပြင်ဆင် နိုင်မှု မရှိဘဲ ဖြစ်နေ ခဲ့သည်။ ၁၉၅၃ ခုနှစ်က နိုင်ငံတော် ဝန်ကြီးချုပ် ဦးနု ကိုယ်တိုင် ဦးဆောင် နှိုးဆော်ခဲ့ရာ မြန်မာ နိုင်ငံ အမျိုးသား အလုပ်သမား များ၏ ဝီရိယ၊ မီးရထား ဌာန၏ ကြိုးစားမှုဖြင့် ပြင်ဆင်ခဲ့ ကြသည်။ ၁၉၅၄ ခုနှစ် အောက်တိုဘာ လက ငွေကျပ် ၅၇ သိန်းကျော် အကုန် အကျခံကာ ပြုပြင်ခဲ့ သဖြင့် အင်းဝ တံတားကြီး ပြီးစီး ခဲ့သည်။

၁၉၅၄ ခုနှစ် အောက်တိုဘာ ၂၇ ရက်က နိုင်ငံတော် သမ္မတကြီး ဒေါက်တာ ဘဦး ကိုယ်တိုင် ဖွင့်လှစ် ပေးခဲ့ကြောင်း သိရသည်။

အင်းဝ တံတားကြီး သည် ရန်ကုန် မှ မြစ်ကြီးနား၊ မန္တလေး မှ မုံရွာ၊ ရေဦး အထိ တောက်လျှောက် သွားလာ နိုင်အောင် ဆက်သွယ် ပေးခဲ့သည့် မြန်မာနိုင်ငံ၏ လမ်းပန်း ဆက်သွယ်ရေး အတွက် အဓိက အရေးပါ သော သမိုင်းဝင် တံတားကြီး ဖြစ်သည်။ အလယ်တွင် မီးရထားလမ်း ပါရှိပြီး ဘေး တစ်ဖက် တစ်ချက်စီတွင် ယာဉ်သွားလမ်း များပါရှိရာ ယခင်က မီးရထားများ၊ ယာဉ်များ အားလုံး အင်းဝ တံတားကြီး ပေါ်မှ ဖြတ်သန်း သွားလာခဲ့ ကြသည်။

၂ဝဝ၁ ခုနှစ် အောက်တိုဘာ ၃ဝ ရက်မှ စတင်၍ အင်းဝ တံတားကြီး နှင့် ပေ ၂ဝဝဝ ခန့် အကွာတွင် အရှည် ၅၆၇၄ ပေရှိသည့် ဧရာဝတီ မြစ်ကူး တံတား (ရတနာပုံ) ကို တည်ဆောက် ခဲ့သည်။ ၂ဝဝ၈ ခုနှစ် ဧပြီ ၄ ရက်က စစ်ကိုင်းမြို့ တကောင်း ဆိပ်ကမ်း နှင့် အမရပူရ မြို့နယ် ရွှေကြက်ယက်၊ ခဝါတော် ဆိပ်ကမ်း တို့ကို ဆက်သွယ် ဖောက်လုပ် ထားသည့် ဧရာဝတီ မြစ်ကူး တံတား (ရတနာပုံ)ကို ဖွင့်လှစ် လိုက်ရာ ခရီးသည် တင်ယာဉ်၊ ကုန်တင်ယာဉ်၊ မော်တော် ဆိုင်ကယ် အစရှိသည့် ယာဉ်များ အားလုံးသည် တံတားသစ်ကြီး ပေါ်မှသာ ဖြတ်သန်း သွားလာကြတော့ သည်။

အင်းဝ တံတားကြီး ပေါ်မှ မီးရထားများ၊ စစ်ကိုင်း - မန္တလေး ခရီးသည် တင်ယာဉ်များ နှင့် ကိုယ်ပိုင်ယာဉ် အနည်းငယ် တို့သာ ဖြတ်သန်း သွားလာ တော့ကြောင်း သိရသည်။ ရတနာပုံ တံတားသစ် ကြီး မပေါ်ပေါက်မီ က အင်းဝ တံတားကြီးကို မြန်မာ့ မီးရထား လုပ်ငန်းမှ နှစ်စဉ် ဘော်ငွေရောင် ဆေးများ သုတ်လိမ်းကာ ပုံမှန် ပြုပြင် ထိန်းသိမ်းမှု များဆောင်ရွက် ခဲ့သည်။ 

ရတနာပုံ တံတား သစ်ကြီး ဖွင့်လှစ်ပြီး နောက်ပိုင်းတွင် အင်းဝ တံတားကြီး ကို ဘော်ငွေရောင် ဆေးများ သုတ်လိမ်း ထိန်းသိမ်းခြင်း ကို မတွေ့ရ တော့ကြောင်း၊ ယခင်က ဘော်ငွေရောင် တောက်ပစွာ ဖြင့် ခံ့ညား တင့်တယ် ခဲ့သည့် သမိုင်းဝင် အင်းဝ တံတားကြီး၏ သံပေါင်များမှာ ယခုအခါ အောက်ခံ ဆေးနီများ ပေါ်နေသည် ကို စိတ်မကောင်း ဖွယ် တွေ့မြင်နေ ရကြောင်း၊ နိုင်ငံတော် နှင့် ပြည်သူ များ အတွက် နှစ်ပေါင်း(၈ဝ) ကသမိုင်းပေး တာဝန် ကျေပွန်ခဲ့ သည့် 'စစ်ကိုင်းတံတား' ခေါ် 'အင်းဝ တံတားကြီး' ကို ဘော်ငွေရောင် ဆေးများ ပြန်လည် သုတ်လိမ်းခြင်း၊ သမိုင်းဝင် ရှေးဟောင်း အမွေအနှစ် အဖြစ် ပုံမှန် ထိန်းသိမ်းခြင်း များ ဆောင်ရွက် ပေးစေချင် ကြောင်း စစ်ကိုင်း မြို့မှ စာရေးဆရာ တစ်ဦးက ပြောပြ၍ သိရသည်။

စစ်ကိုင်းတိုင်းဒေသကြီးနှင့် မန္တလေးတိုင်း ဒေသကြီးကို ဆက်သွယ် ထားသည့် ဧရာဝတီ မြစ်ကူး''အင်းဝ တံတားခေါ် စစ်ကိုင်းကြီး ''ကို မြန်မာသက္ကရာဇ် ၈ဝ၄ ခုနှစ်တွင်မြန်မာ ဘုရင် (ထူပါရုံ ဒါယကာ)ပြည်သီဟ သူနရ ပတိမှ စတင် ဆောက်လုပ် ခဲ့သည်။

၁၇နှစ် ကြာပြီးနောက် မြန်မာ သက္ကရာဇ် ၈၂၁ခုနှစ်တွင် သာလွန် မင်းသား၏ သားတော် မင်းရဲ နန္ဒမိတ်မှ ကျွန်းသစ် တို့ဖြင့် ဒုတိယ အကြိမ် တည်ဆောက်ခဲ့သည်။ ထပ်မံ၍စစ်ကိုင်း ဘက်ရှိ ထူပါရုံ စေတီတော် ထီးတော် တင်ပွဲသို့ စစ်အင်္ဂါ လေးပါးဖြင့် ချီတက် နိုင်ရန် တတိယ အကြိမ် (ရတနာ ပူရရွှေဝ) ကျွန်းသစ် ဖြင့်ပင် ထပ်မံ ဆောက်လုပ် ခဲ့ကြောင်း ခရစ်နှစ် ၁၄၈၅ခုနှစ် နရပတိ ကျောက်စာတွင် ရေးထိုး ထားသည်။

မြန်မာ သက္ကရာဇ် ၁၂၉၅ခုနှစ်ပြာသို လပြည့်ကျော် ၃ ရက် အင်္ဂါနေ့ (ခရစ်နှစ် ၁၉၃၄ခုနှစ်ဇန်နဝါရီ ၂ ရက်)တွင် မီးရထားတစ်စီးသာ သွားလာ နိုင်သော အဆင့်ဖြင့် နယ်ချဲ့ အင်္ဂလိပ် အစိုးရမှ စတင် ဖွင့်လှစ် ခဲ့ခြင်းဖြစ်သည်။

Posted by phyo zaw

http://saintsaneducation.blogspot.com

-------------