ရှင်မဟာ မောဂ္ဂလာန် ကိုယ်တော်မြတ်ကြီး

‘‘ငါ့အား မာန်မာန မရှိ၊ ရှင်သာမဏေတို့ကို အစပြု၍

ရိုသေလေးစားသော စိတ်ကိုငါ ပြု၏’’

(ရှင်မဟာမောဂ္ဂလာန်၊ ထေရအပါဒါန်)

ရှင်မဟာမောဂ္ဂလာန် မထေရ်မြတ်ကြီးဟာ ဗုဒ္ဓမြတ်စွာရဲ့ ဒုတိယအကြီးမြတ်ဆုံးတပည့်၊ အဂ္ဂသာဝက မထေရ်မြတ်ဖြစ် တော်မူတယ်။ ရာဇဂြိုလ်မြို့တော်အနီးက ‘‘ကောလိတ’’ ရွာမှာ ရှင်သာရိပုတ္တရာ မထေရ်မြတ်လောင်း လျာနဲ့ တစ်နေ့တည်း ဖွားမြင်တော်မူခဲ့ တယ်။(အရှင်မြတ်နှစ်ပါးလုံးဟာသက်တော်အားဖြင့်မြတ်စွာ ဘုရားရှင်ထက်ကြီးတော်မူကြတယ်)

အရှင် မြတ်လောင်းလျာ ရဲ့ မယ်တော်ဟာ ‘‘မောဂ္ဂလိ’’ ဗြဟ္မဏီ အမျိုးသမီးဖြစ်ပြီး ခမည်းတော်ကတော့ ကျေးရွာရဲ့ အကြီးအမှူးဖြစ်တယ်။ ရှင်မောဂ္ဂလာန် မထေရ်မြတ်လောင်းလျာနဲ့ ရှင်သာရိပုတ္တရာ မထေရ်မြတ်လောင်းလျာတို့ရဲ့ မိသားစုတွေဟာ ဆွေခုနှစ်ဆက်၊ မျိုးခုနှစ်ဆက်ကတည်းက အလွန်ရင်းနှီးကျွမ်းဝင်တဲ့ မိတ်ရင်းဆွေရင်းတွေဖြစ်ကြလို့မထေရ်မြတ်နှစ်ပါး လောင်းလျာသူငယ်နှစ်ယောက်ဟာလည်း ငယ်စဉ်ကတည်းက မိတ်ဆွေသူငယ်ချင်းတွေဖြစ်ခဲ့တယ်။ ရှင်သာရိပုတ္တရာ လောင်းလျာသူငယ်ဟာ ရွှေထမ်းစင်းပေါင်းငါးရာအဆောင်အယောင်အဖြစ်ရရှိခဲ့ပြီး၊ ရှင်မဟာမောဂ္ဂလာန်လောင်းလျာ သူငယ်ကတော့ အာဇာနည်မြင်းဆွဲတဲ့ ရထားပေါင်းငါးရာ အဆောင်အယောင်အဖြစ်ရရှိပိုင်ဆိုင်ခဲ့တယ်။

ဒီလိုရင်းရင်းနှီးနှီး နေထိုင်ကြရင်းကြီးပြင်းလာတဲ့ သူငယ်ချင်း နှစ်ယောက် ဟာ တစ်နေ့မှာ တောင်ထိပ်နက္ခတ်ပွဲသဘင်ကို သွားခဲ့ကြတယ်။ အဲဒီ ပွဲသဘင်မှာ ပွဲကြည့်နေရင်းဘဲ သူတို့နှစ်ဦးသားဟာ သင်္ခါရဓမ္မတွေရဲ့ မမြဲခြင်းသဘောအပေါ်မှာတွေးဆင်ခြင်မိကြပြီး သံဝေဂ ကြီးစွာဖြစ်ခဲ့ကြတယ်။ အဲဒီ နောက် သူငယ်ချင်းနှစ်ဦးစလုံးဘဲ ရသေ့၊ ရဟန်းပြုခဲ့ကြပြီး ပထမဆုံး အဲဒီခေတ်က ဘာသာရေးခေါင်းဆောင်ကြီး တစ်ဦးဖြစ်တဲ့ သိဉ္စည်းဆရာကြီးလို့ ထင်ရှားတဲ့ ပုဂ္ဂိုလ်ကြီးထံမှာ တပည့်ခံခဲ့ကြ တယ်။ 

သို့ပေမဲ့ သူတို့နှစ်ဦးသားဟာ အဲဒီဆရာကြီးထံက ကျေနပ်နှစ်သက်စရာ ထွက်မြောက်ကြောင်း တရားတွေကို မသိခဲ့ကြရပါဘူး။ ဒါကြောင့်မို့ သူတို့ဟာ ဇမ္ဗူဒီပါကျွန်းလို့ထင်ရှားတဲ့ အိန္ဒိယကရှေးခေတ် ဒေသကြီးအတွင်း လှည့်လည်သွားလာခဲ့ကြပြီး ထင်ရှားတဲ့ ဘာသာရေးခေါင်းဆောင်တွေ နဲ့ တွေ့ဆုံခဲ့တယ်။ ပြီးတော့ ဘာသာအယူဝါဒနဲ့ ပတ်သက်ပြီး ဆွေးနွေးမေးမြန်း ခဲ့ ကြတယ်။ သို့သော်လည်း သူတို့ဟာ ဘယ်ဘာသာရေးခေါင်းဆောင်ထံကမှ ကျေနပ်စရာ အဖြေတစ်ခုကို မရရှိခဲ့ကြဘူး။ နောက်ဆုံးသူတို့နှစ်ဦးသားဟာ တစ်ဦးနဲ့ တစ်ဦး ခွဲခွာပြီး ရှာဖွေကြဖို့၊ အကယ်၍ တစ်ဦးက ရှာဖွေနေတဲ့အဖြေမျိုးကို ကြားသိခဲ့ ရင် အခြားတစ်ဦးကို အသိပေးဖို့ သဘောတူညီချက်တွေထားပြီး လမ်းခွဲခဲ့ကြတယ်။

ဒီလိုလမ်းခွဲခဲ့ပြီး သိပ်မကြာခင်မှာဘဲ ရှင်သာရိပုတ္တမထေရ်မြတ်လောင်းလျာဟာ ရာဇဂြိုလ်ပြည်မှာလှည့်လည်သွားလာရင်း ရှင် အဿဇိမထေရ်မြတ်နဲ့တွေ့ဆုံခဲ့ရပြီး မထေရ်မြတ်ရဲ့တရားစကားကိုနာကြားရခြင်းဖြင့် သောတပန်ပုဂ္ဂိုလ်မြတ်ဖြစ်ခဲ့တယ်။ သောတ ပန်တည်ပြီးသွားတဲ့ ရှင်သာရိပုတ္တမထေရ်မြတ်လောင်းဟာ ရှင်မောဂ္ဂလာန်မထေရ်မြတ်လောင်းလျာ သူငယ်ချင်းဖြစ်သူကို ရှာဖွေပြီး သူကြားနာခဲ့ရတဲ့ တရားဂါထာတော်ကို ပြန်လည်ဟောပြခဲ့လို့ ရှင်မောဂ္ဂလာန်မထေရ်မြတ်လောင်းလျာလည်း သော တပန် ပုဂ္ဂိုလ်မြတ်ဖြစ်ခဲ့ပါတယ်။

 အဲဒီနောက် သူငယ်ချင်းနှစ်ဦး ဟာ ဝေဠုဝန်ကျောင်းတော်မှာ သီတင်းသုံးတော်မူနေတဲ့ မြတ်စွာ ဘုရားရှင်ကို သွားရောက်ဖူးတွေ့ဖို့အတွက် သိဉ္စည်းဆရာကြီးကို သူတို့နဲ့ အတူလိုက်ခဲ့ဖို့ ခေါ်ပါတယ်။ ဒါပေမဲ့ မအောင်မြင်ခဲ့ပါဘူး။ သို့သော်လည်း သိဉ္စည်းဆရာကြီးရဲ့ တပည့်ငါးရာကတော့ သူတို့နဲ့ အတူလိုက်ဖို့ သဘောတူခဲ့တယ်။ မြတ်စွာဘုရားရှင် ထံ ရောက်တဲ့အခါ သူတို့အားလုံးကို မြတ်စွာဘုရားရှင်က တရားဟောကြားတော်မူပြီး ‘‘ဧဟိ ဘိက္ခု’’ ခေါ်ခြင်းဖြင့် ရဟန်းပြုပေး တော်မူခဲ့တယ်။ ရှင်သာရိပုတ္တရာ မထေရ်မြတ်နဲ့ ရှင်မောဂ္ဂလာန်မထေရ်မြတ်ကလွဲပြီး သူတို့အားလုံး ရဟန္တာမထေရ်မြတ်တွေ ဖြစ်သွားခဲ့ကြတယ်။

ရှင်မောဂ္ဂလာန်မထေရ်မြတ်ဟာ အဲဒီနောက် မြတ်စွာဘုရားရှင်ထံက ကမ္မဋ္ဌာန်းတရားတောင်းတော်မူပြီး မာဂဓတိုင်းက ကလ္လ ၀ါဠပုတ္တရွာမှာ ပွားများအားထုတ်တော်မူခဲ့တယ်။ အဲဒီမှာ တရားအားထုတ်ရင်း ရဟန်းအဖြစ်ခုနှစ်ရက်သာ ရှိသေးတဲ့ ရှင်မောဂ္ဂလာန်မထေရ်မြတ်ဟာ ငိုက်မျဉ်းတော်မူပါတယ်။ ဒီအကြောင်းကို သိတော်မူတဲ့မြတ်စွာဘုရားဟာ အရှင်မြတ်ရဲ့ ရှေ့တော်ကို ကြွရောက်တော်မူပြီး လမ်းညွှန်ဟောကြားတော်မူခဲ့တယ်။ အဲဒီနောက် အရှင်မြတ်ဟာ ရဟန္တာဖြစ်တော်မူခဲ့ပါတယ်။ အဲဒီ အကြောင်းရာတွေကို အဂုင်္တ္တရနိကာယ်၊ ပစလာယမာနသုတ်မှာတွေ့နိုင်တယ်။

မြတ်စွာဘုရားရှင်ဟာ ရှင်သာရိပုတ္တရာနဲ့ ရှင်မောဂ္ဂလာန်မထေရ်မြတ်တို့ ရဟန်းပြုတဲ့နေ့မှာဘဲ ရဟန်းတော်တွေရဲ့မျက်မှောက်မှာ လက်ယာ၊ လက်ဝဲ အဂ္ဂသာဝက ဘွဲ့ထူးတော်တွေကို မထေရ်မြတ်နှစ်ပါးအား အသီးသီးချီးမြှောက်တော်မူခဲ့တယ်။ ရှင်သာရိပုတ္တ က လက်ယာတော်ရံ အဂ္ဂသာဝက မထေရ်မြတ်ဖြစ်ပြီး၊ ရှင်မဟာမောဂ္ဂလာန်မထေရ်မြတ်ကတော့ လက်ဝဲတော်ရံ အဂ္ဂသာဝက မထေရ်မြတ်ဖြစ်ပါတယ်။ ဒီလို ဘွဲ့ထူးတော်တွေ ချီးမြှောက်တော်မူပြီးတဲ့အခါ မြတ်စွာဘုရားဟာ ပါတိမောက်ပြတော်မူခဲ့တယ်။

ယခုမှ အသစ်ဝင်ရောက်လာတဲ့ ရဟန်းနှစ်ပါးကို အဂ္ဂသာဝက မထေရ်မြတ်နှစ်ပါးအဖြစ် မြတ်စွာဘုရား ချီးမြှောက်တော်မူတာ နဲ့ ပတ်သက်ပြီး ရဟန်းတွေဟာ သံသယတွေဖြစ်ခဲ့တယ်။ အဲဒီ အခါ မြတ်စွာဘုရားက အဂ္ဂသာဝက မထေရ်မြတ်နှစ်ပါးဟာ ဒီ လိုချီးမြှောက်မူကို ခံယူရဖို့အတွက် တစ်အသေင်္ချေနဲ့ ကမ္ဘာတစ်သိန်းပတ်လုံး ပါရမီတော်တွေဖြည့်ကျင့်ဆည်းပူး ခဲ့ကြောင်းထုတ်ဖော်ဟောကြားတော်မူ ခဲ့တယ်။ မထေရ်မြတ်နှစ်ပါးဟာ ဒီလို အဂ္ဂသာဝက မထေရ်မြတ်တွေအဖြစ် ချီးမြှောက်ခံရဖို့အတွက် အနောမဒဿီ မြတ်စွာဘုရားရှင်လက်ထက်မှာ စတင်ဆုပန်ခဲ့ပြီး ဗျာဒိတ်ပန်းဆင်းမြန်းခဲ့ကြတာဖြစ်တယ်။ 

အဲဒီအခါတုန်း ကလည်း သူတို့နှစ်ဦးဟာ မိတ်ဆွေတွေဖြစ်ခဲ့တယ်။ ရှင်မောဂ္ဂလာန်မထေရ်မြတ်လောင်းလျာတော်ဟာ သီရိဝဍ္ဎနအမည်ရှိ တဲ့ သူကြွယ်တစ်ဦးဖြစ်ခဲ့ပြီး ရှင်သာရိပုတ္တရာမထေရ်မြတ်လောင်းလျာတော် ကတော့ သရဒ သူကြွယ်ဖြစ်ခဲ့တယ်။ သရဒ သူကြွယ် ဟာ မိမိပိုင်ဆိုင်သမျှ စည်းစိမ်ဥစ္စာတွေကို စွန့်ကျဲလှူဒါန်းပြီး ရသေ့ဝတ်သွားခဲ့ရာက၊ တစ်နေ့မှာ အနောမဒဿီ မြတ်စွာဘုရား ဟာ သရဒ ရသေ့နေထိုင်တဲ့ ကျောင်းသင်္ခမ်းကို ကြွရောက်တော်မူခဲ့တယ်။ ဒီအခါ သရဒရသေ့နဲ့ တပည့်ရသေ့ပေါင်း ခုနှစ်သောင်း လေးထောင်ကျော်တို့ဟာ မြတ်စွာဘုရားကို အကြီးကျယ်ပူဇော်လှူဒါန်းခဲ့တယ်။

 ဒီလိုပူဇော်လှူဒါန်းပြီးတဲ့အခါ အနောမဒဿီ မြတ်စွာဘုရားရှင်က လက်ယာတော်ရံ အဂ္ဂသာဝက မထေရ်မြတ်ဖြစ်တဲ့ နိသဘ မထေရ်မြတ်ကို တရားဟောကြားစေတယ်။ နိသဘ မထေရ်မြတ်ရဲ့ တရားတော်ကို နာကြားရတဲ့ ရှင်သာရိပုတ္တရာ မထေရ်မြတ်လောင်းလျာတော် သရဒ ရသေ့ကြီးဟာ သူ လည်း အရှင်မြတ်လို လက်ယာတော်ရံ အဂ္ဂသာဝကတစ်ပါးဖြစ်လိုတဲ့ ဆန္ဒကြီးစွာဖြစ်ပေါ်ခဲ့ပြီး ဒီအဖြစ်ကို ဆုတောင်းခဲ့တာ ဖြစ်တယ်။ ဒီဆုနဲ့ ပတ်သက်ပြီး ပြည့်ဝမူရှိလိမ့် မယ်လို့ မြင်တော်မူတဲ့ မြတ်စွာဘုရားဟာ သရဒ ရသေ့ကြီး ကို နောက်အနာဂတ် တစ်အသင်္ချေ၊ ကမ္ဘာတစ်သိန်းကြာတဲ့အခါ ဆုပြည့်မည်ဖြစ်ကြောင်း ဗျာဒိတ်စကားမြွက်ကြားခဲ့တယ်။

မြတ်စွာဘုရားရှင် ပြန်လည်ကြွသွားတော်မူတဲ့အခါ သရဒ ရသေ့ကြီးဟာ မိတ်ဆွေဖြစ်သူ သီရိဝဍ္ဎနသူကြွယ်ထံသွားခဲ့တယ်။ပြီး တော့သူတောင်းခဲ့တဲ့ ဆုကိုပြောပြပြီး သူ့မိတ်ဆွေကိုလည်း ကျန်ရှိနေတဲ့ လက်ဝဲတော်ရံ အဂ္ဂသာဝက မထေရ်မြတ်ဆုကိုတောင်း ဖို့ အကြံပေးပါတယ်။ သီရိဝဍ္ဎန သူကြွယ်ကလည်း မိတ်ဆွေရသေ့ကြီးပေးတဲ့ အကြံဉာဏ်ကိုလက်ခံခဲ့တယ်။ ပြီးတော့ မြတ်စွာ ဘုရားနဲ့ သံဃာတော်တွေကို ခုနှစ်ရက်တိုင်တိုင် ဆွမ်းအစရှိတဲ့ လှူဖွယ်ပစ္စည်းတွေနဲ့ ပူဇော်လှူဒါန်းပြီး လက်ဝဲတော်ရံ အဂ္ဂသာ ၀ကဆုကိုတောင်းခဲ့တယ်။ တောင်းတဲ့အတိုင်း ပြည့်စုံနိုင်တဲ့ အကြောင်းအပံ့ကို မြင်တော်မူတဲ့ မြတ်စွာဘုရားဟာ နောက်အနာ ဂတ်မှာ ပြည့်လိမ့်မည် ဖြစ်ကြောင်း ဗျာဒိတ်တော်ထားခဲ့ပြန်ပါတယ်။ အဲဒီအချိန်ကစပြီး ဂေါတမဗုဒ္ဓမြတ်စွာထံတော်မှာ အဂ္ဂသာ ၀က နှစ်ပါးဖြစ်တော်မူမဲ့ အလောင်းလျာနှစ်ဦးဟာ ဘ၀အဖန်ဖန် ကျင်လည်ခဲ့ရပြီး ဘ၀တိုင်းမှာ အဂ္ဂသာဝကပါရမီတော်တွေ ကို ဖြည့်ကျင့်ဆည်းပူးခဲ့လို့ နောက်ဆုံးဘ၀မှာ လက်ယာတော်ရံ အဂ္ဂသာဝကဘွဲ့ထူးနဲ့ လက်ဝဲတော်ရံ အဂ္ဂသာဝကဘွဲ့ထူးကို အသီးသီး ရယူခဲ့ကြတာဖြစ်တယ်။

ရှင်သာရိပုတ္တရာမထေရ်မြတ်နဲ့ ရှင်မဟာမောဂ္ဂလာန်မထေရ်မြတ်နှစ်ပါးဟာ အခြားရဟန်းတော်တွေ စံနမူထားကြရမဲ့ မထေရ် မြတ်နှစ်ပါးဖြစ်ကြောင်း မြတ်စွာဘုရားဟောကြားတော်မူခဲ့တယ်။ S.ii.235။ သစ္စ၀ိဘင်္ဂသုတ် (M.iii.248) မှာ မြတ်စွာဘုရားက ရှင်သာရိပုတ္တရာမထေရ်မြတ်ဟာ မွေးဖွားပေးတဲ့ မိခင်နဲ့တူပြီး၊ ရှင်မောဂ္ဂလာန်မထေရ်မြတ်ဟာ ကျွေးမွေးစောင့်ရှောက်တဲ့ မိခင် နဲ့ တူကြောင်း ဟောတော်မူတယ်။ ရှင်သာရိပုတ္တရာမထေရ်မြတ်ဟာ တပည့်တွေကို သောတ္တပတ္တိမဂ်ဖိုလ်ရောက်အောင် ပဲ့ပြင် ဆုံးမ လမ်းညွှန်ဟောကြားတော်မူတတ်ပြီး၊ ရှင်မောဂ္ဂလာန်မထေရ်မြတ်ကတော့ အရဟတ္တမဂ်ထိရောက်အောင် ပဲ့ပြင်ဆုံးမ ဟောကြားတော်မူတတ်တယ်လို့ ဆိုပါတယ်။ ရှင်သာရိပုတ္တရာ မထေရ်မြတ်ဟာ သစ္စာလေးပါးတရားတော်နဲ့ ပတ်သက်ပြီး နာကြားသူတွေ အထူးရှင်းလင်းပြတ်သားစွာ နားလည်အောင် ဟောကြားတော်မူနိုင်ပြီး ရှင်မောဂ္ဂလာန်မထေရ်မြတ်ကတော့ အထူးအားဖြင့် တန်းခိုးအစွမ်းနဲ့ သတ္တ၀ါတွေကို လမ်းညွှန်ဆုံးမတော်မူတယ်လို့ ဆိုတယ်။ (BuA.31) ရှင်မောဂ္ဂလာန်မထေရ်မြတ် ဟာ မြတ်စွာဘုရားရဲ့ တပည့်သာဝကတွေထဲမှာ တန်းခိုးအစွမ်းအရာ အသာလွန်ဆုံး၊ အစွမ်းထက်ဆုံးဖြစ်တော်မူတယ်။ ကိုယ် တော်မြတ်ဟာ မရေမတွက်နိုင်တဲ့ ကိုယ်ပွားရုပ်တွေကို ဖန်ဆင်းတော်မူနိုင်ပြီး အလိုရှိရာ ရုပ်သဏ္ဌန်ကိုလည်း ဖန်ဆင်းတော်မူ နိုင်တယ်။ Thag.vs.1183 ။ အမြင့်မားဆုံးလို့ ဆိုတဲ့ မြင့်မိုရ်တောင်ကြီးကို တောင်မှ ပဲကြီးစေ့လို ချေမွပစ်နိုင်တယ်လို့ ဆိုပါတယ်။ 

 ဒါ့အပြင် ကမ္ဘာမြေကြီးကို ဖျာလိုလိပ်ပြီး လက်ကြားမှာ ညှပ်ထားနိုင်သလို အိုးထိန်းစက်လိုလည်း သွက်သွက်ခါ အောင် လည်ပတ်စေနိုင်တယ်။ ပြီးတော့ ကမ္ဘာမြေကြီးထီးရွက်လုပ်၊ မြင့်မိုရ်တောင်ကို ထီးရိုးလုပ်ပြီး ဆောင်းပြတော်မူနိုင်တယ် လို့လည်းဆိုတယ်။ ဝေရဉ္ဇာပြည်မှာ ရဟန်းတော်တွေ ဆွမ်းခံလို့ မရတဲ့အခါ ရှင်မောဂ္ဂလာန်မထေရ်မြတ်က ကမ္ဘာမြေကြီးကိုလှန် ပြီးမြေအောက်က မြေဆီမြေနှစ်တွေကို ရဟန်းတော်တွေ ဘုဉ်းပေးသုံးဆောင်ဖို့ ယူငင်မည့်အကြာင်း မြတ်စွာဘုရားကိုလျှောက် ထားပါတယ်။ ပြီးတော့ နလေရုပု-စိမဏ္ဍလ ကနေ မြောက်ကျွန်းကို လမ်းဖောက်ပြီး ရဟန်းတော်တွေ အလွယ်တကူဆွမ်းခံကြွ နိုင်အောင် ဖန်းဆင်းဖို့လည်း လျှောက်ထားတယ်။ သို့ပေမဲ့ မြတ်စွာဘုရားက ဒီလျှောက်ထားချက်နှစ်ခုလုံးကို ငြင်းပယ်တော်မူ ခဲ့တယ်။ 

ရှင်မောဂ္ဂလာန်မထေရ်မြတ်ရဲ့ အစွမ်းတန်ခိုးအမျိုးမျိုးနဲ့ ပတ်သက်ပြီး ပိဋကတ်တော်အနှံ့မှာတွေ့ကြရတယ်။ တခါတုန်းက မြတ်စွာဘုရားဟာ မိဂါရမာတုပါသာဒ ကျောင်းတိုက်မှာ သီတင်းသုံးတော်မူ စဉ် ကျောင်းတိုက် အောက်မှာ သတိကင်းလွတ်ပြီး အကျိုးမဲ့ စကားများစွာကျယ်လောင်စွာပြောနေကြတဲ့ ရဟန်းတော်တွေရဲ့ စကားသံတွေကို ကြားသိတော်မူပြီး ရှင်မောဂ္ဂလာန် မထေရ်မြတ်ကို ရဟန်းတွေ ထိတ်လန့်အောင် ပြုစေတော်မူတယ်။ အဲဒီအခါ ရှင်မောဂ္ဂလန်မထေရ်မြတ်ကြီးက ခြေမတော်ကလေး နဲ့ဘဲ အလွန်တရာကြီးမားတဲ့ ကျောင်းတိုက်ကြီးတစ်ခုလုံးသွက်သွက်ခါအောင်လှုပ်သွားအောင် တန်ခိုးဖန်ဆင်းပြီး လှုပ်ခါတော်မူ တယ်လို့ ဆိုပါတယ်။

တခါတော့ မြတ်စွာဘုရားထံ တရားနာကြားသွားတဲ့ သိကြားမင်း ကို တရားနဲ့ ပတ်သက်ပြီး စစ်မေးတော်မူဖို့ တာဝတိံသာနတ်ပြည်ကို ကြွသွားတော်မူတယ်။ မထေရ်မြတ်က နာကြားခဲ့တဲ့ တရား နဲ့ပတ်သက်ပြီး သိကြားမင်းကို မေးတဲ့အခါ မေ့လျောပြီး သိကြားမင်းက မဖြေနိုင်ပါဘူး။ ဒီ လို မေ့လျောတတ်လွန်းတဲ့ သိကြားမင်းကို ဆုံးမဖို့အတွက် အရှင်မြတ်ဟာ သိကြားမင်းစံရာ အလွန်ကြီးမားတဲ့ ဝေဇယန္တာနတ် နန်းတော်ကြီးကို ခြေမကလေး နဲ့ဘဲ သွက်သွက်ခါအောင် လှုပ်ခါစေတယ်လို့ ဆိုတယ်။ အဲဒီအခါ သိကြားမင်း ကြက်သီးမွှေးညင်းထလောက်အောင် ထိတ်လန့်သွားပြီး တရားတွေပြန်ပေါ်လာတယ်လို့ ဆိုပါတယ်။ 

‘‘မီးသည် စင်စစ်အားဖြင့် သူမိုက်သာ လောင်မြိုက်မည်ဟု အားမထုတ်၊ သူမိုက်သည်သာ တောင်လောင်နေသောမီးကို ထိပါး ပုတ်ခတ်သဖြင့် လောင်မြိုက်ခံရခြင်းဖြစ်၏။ မာရ်နတ် ဤအတူပင်လျှင် သင်သည် မြတ်စွာဘုရားကို ထိပါးပုတ်ခတ်သောကြောင့်မီးလောင်ခံရသော သူမိုက်ကဲ့သို့ အလိုလိုပင် မိမိကိုယ်ကို လောင်မြိုက်စေလိမ့်မည်။’’

(ရှင်မဟာမောဂ္ဂလာန်၊ မာရတဇ္ဇနီယသုတ်၊ စူဠယမက၀ဂ်၊

မူလပဏ္ဏာသ၊ မဇ္ဈိမနိကာယ်)

ဗကဗြဟ္မာရဲ့ အယူမှားကို နှိမ်နင်းဖို့ မြတ်စွာဘုရားရှင် ဗြဟ္မာ့ပြည်ကို ကြွသွားတော်မူတဲ့အခါ ရှင်မောဂ္ဂလာန်မထေရ်မြတ်လည်း အတူလိုက်ပါ ကြွတော်မူတယ်လို့ တွေ့ရတယ်။ နောင်အခါ ဗြဟ္မာ့ပြည်ရဲ့ သုဓမ္မာသဘင်မှာ ရှင်မောဂ္ဂလာန်မထေရ်မြတ်ဟာ ဗကဗြဟ္မာကို မေးမြန်းစိစစ်ပြီး အရင်က သူယူခဲ့တဲ့ အမြင်ဟာ မှားယွင်းကြောင်း ၀န်ခံစေတယ်။ Thag.vs.1198; ThagA.ii.185; S.i.144f. ဒါ့အပြင် ရှင်မောဂ္ဂလာန် မထေရ်မြတ် ဗြဟ္မာပြည်ကြွရောက်ပြီး တိဿ ဗြဟ္မာကြီးနဲ့ တရားဆွေးနွေးတဲ့ အကြောင်းတွေကိုလည်း အောက်ပါကျမ်းဂန်နေရာများမှာ တွေ့ကြရတယ်။ 

မာရတဇ္ဇနီယသုတ်မှာ မာရ်နတ်ဟာ ရှင်မောဂ္ဂလန်မထေရ်မြတ်ရဲ့ အစာအိမ်အတွင်းမှာ ၀င်ရောက်နေတယ် လို့ဆိုတယ်။ ရှင်မောဂ္ဂလာန်မထေရ်မြတ်က ခြောက်လှန့်ဆုံးမတဲ့အခါမှ မာရ်နတ်က ထွက်သွားပါတယ်။ မထေရ်မြတ်က မာရ်နတ်ကို သူဟာ လည်း တစ်ချိန်က ဒူသီ အမည်ရှိတဲ့မာရ်နတ်ဖြစ်ခဲ့ကြောင်း၊ ဒူသီမာရ်နတ်ရဲ့ ညီမ ဟာ ယခု မာရ်နတ်ရဲ့မယ်တော်ဖြစ်ကြောင်း၊ ဒါကြောင့်မို့လို့ အရှင်မြတ်ဟာ တစ်ခါက ယခုမာရ်နတ်ရဲ့ ဦးလေးတော်စပ်ခဲ့ဘူးကြောင်းမိန့်ကြားတယ်။ အဲဒီ ဒူသီမာရ်နတ်ဟာ ကကုသန္ဓမြတ်စွာဘုရားနဲ့ သံဃာတွေကို အနှောက်ယှက်ပေးခဲ့၊ ကျူးလွန်စော်ကားခဲ့လို့ ငရဲကို ကျရောက်ခဲ့ပြီး အကြီးအကျယ် ဆင်းရဲရောက်ခဲ့ရပုံကိုလည်းပြောပြပြီး မာရ်နတ်ကို ဆုံးမပါတယ်။

အဖွင့်ကျမ်းထဲမှာတော့ ရှင်မောဂ္ဂလာန်မထေရ်မြတ်ရဲ့ တန်ခိုးအစွမ်း အပေါ်လွင်ဆုံးအချိန်ဟာ နန္ဒောပနန္ဒ နဂါးကိုမင်းကို ဆုံးမ တဲ့အချိန်ဖြစ်တယ်လို့ ဆိုတယ်။ အရှင်မောဂ္ဂလာန် မထေရ်မြတ်က လွဲပြီး ဘယ် မထေရ်မြတ်မှ စတုတ္ထဈာန်ကို အလွန်လျင်မြန်စွာ မ၀င်စားနိုင်ဘူးလို့ ဆိုတယ်။ ဒီလို လျင်မြန်စွာ မ၀င်စားနိုင်ရင် အစွမ်းထက်တဲ့ နဂါးကို နှိမ်နင်းနိုင်မှာ မဟုတ်ပါဘူး။ ဒါကြောင့်မို့ လို့ မြတ်စွာဘုရားက အခြားရဟန်းတွေကို ခွင့်မပေးခဲ့ဘဲ ရှင်မောဂ္ဂလာန်မထေရ်မြတ်ကိုသာ နဂါးမင်းကို နှိမ်နင်းခွင့်ပေးတော်မူ တယ် လို့ ရှင်းပြထားတယ်။

အလားတူဘဲ၊ အဂ္ဂိဒတ္တရသေ့ကြီးရဲ့ ကျောင်းသင်္ခမ်းအတွင်းက မီးတင်းကုပ်မှာနေတဲ့ နဂါးကြီးကိုလည်း ရှင်မောဂ္ဂလာန်မထေရ် မြတ်ဘဲ ဆုံးမခဲ့ကြောင်းတွေ့ရတယ်။  ရှင်မောဂ္ဂလာန် မထေရ်မြတ်ဟာ ဘယ်ဈာန်ကိုမှ ၀င်စားစရာ မလိုဘဲ သာ မာန် အချိန်မှာတောင်မှ သာမာန်လူတွေ မမြင်နိုင်တဲ့ ပြိတ္တာတွေ၊ နတ်တွေကို မြင်နိုင်တယ် လို့ဆိုတယ်။ အရှင်မြတ်ဟာ ငရဲ ပြည်၊ နတ်ပြည်တွေကို လှည့်လည်ကြွသွားတော်မူပြီး တွေ့ရှိခဲ့ရတဲ့ ငရဲသားတွေ၊ နတ်သား၊ နတ်သမီးတွေနဲ့ ပတ်သက်ပြီး မြတ် စွာဘုရား ကို ပြန်လည်လျှောက်ထားပါတယ်။ မြတ်စွာဘုရားက အရှင်မြတ်ရဲ့လျှောက်ထားမူတွေကို ဥပမာပြုပြီး ဆုံးမဟောကြား တော်မူလေ့ ရှိကြောင်းလည်းတွေ့ရတယ်။ 

ဒီလို ဇာတ်ကြောင်းများစွာကို ၀ိမာန၀တ္ထုမှာ တွေ့နိုင်တယ်။ နတ်ပြည်ကို အရှင်မြတ် ကြွရောက်တော်မူတဲ့အခါတိုင်းမှာ နတ်တွေဟာ အရှင်မြတ်ကို ၀မ်းသာအားရ ကြိုဆိုကြကြောင်းလည်းတွေ့ရတယ်။

ရှင်မောဂ္ဂလာန်မထေရ်မြတ်ရဲ့ အထင်ရှားဆုံးစွမ်းရည်ဟာ တန်ခိုးအစွမ်းဖြစ်ပေမဲ့၊ ဉာဏ်ပညာအရာမှာလည်း အရှင်မြတ်ဟာ ရှင်သာရိပုတ္တရာ ပြီးရင် သာဝကထဲမှာ အကြီးမားဆုံးဖြစ်တယ်။ အဂ္ဂသာဝကအရှင်မြတ်နှစ်ပါးဟာ မြတ်စွာဘုရားရဲ့ အခြား တပည့် သာဝက ရဟန်းတော်တွေ မဖြေနိုင်တဲ့ မေးခွန်းမျိုးတွေကို ဖြေဆိုတော်မူနိုင်တယ်။ သာကီဝင်မင်းတွေက ခန်းမဆောင် သစ်မှာ မြတ်စွာဘုရားကို ပင့်ဖိတ်ပြီး တရားနာကြားတဲ့အခါ မြတ်စွာဘုရားက သူတို့ကို တရားဟောကြားပြီးနောက် သာကီဝင် မင်းတွေပြန်သွားတဲ့အချိန်မှာ ရှင်မောဂ္ဂလာန်ကို ရဟန်းတွေအား တရားဓမ္မဆက်လက်ဟောကြားစေတယ်။ ဟောကြားတဲ့တရား ဓမ္မအပေါ်မှာလည်း မြတ်စွာဘုရားကိုယ်တော်တိုင် သာဓုခေါ်တော်မူတယ်လို့ တွေ့ကြရတယ်။ (S.iv.183ff) အခြားကျမ်းဂန်နေရာများစွာမှာလည်း ဈာန်တရား ၊ ၀ဋ်ဆင်းရဲမှထွက်မြောက်ကြောင်း အရည်သွေးများနဲ့ ပတ်သက်ပြီး ရှင်မောဂ္ဂလာန်မထေရ်မြတ်ရဲ့ ဒေသနာတော်တွေကို တွေ့ကြရတယ်။

 (A.v.155ff)။ သိကြားမင်းနဲ့ နတ်အပေါင်းဟာ ရှင်မောဂ္ဂလာန်မထေရ်မြတ်ထံမှာ ချဉ်းကပ်ပြီး တရားတော်နာကြားတယ် ဆို တာလည်းတွေ့ရတယ်။ ရှင်မောဂ္ဂလာန်မထေရ်မြတ်ရဲ့ တရားတော်ကို နာကြားကြတဲ့ အခြားထင်ရှားတဲ့ နတ်မင်းတွေကတော့ ‘‘စန္ဒန၊ သုယာမ၊ သန္တုသိတ၊ သုနိမိတ္တ၊ ၀သ၀တ္တိ နတ်မင်း’’ တို့ဖြစ်တယ်။ ပြီးတော့ ‘‘၀စ္ဆဂေါတ္တ၊ ၀ပ္ပ’’ အစရှိတဲ့ ပုဂ္ဂိုလ်တွေနဲ့ အရှင်မြတ်ရဲ့ တရားဆွေးနွေးမူတွေကိုလည်း တွေ့ရတယ်။ မြတ်စွာဘုရားရှင် အဘိဓမ္မာတရားဟောကြားဖို့ တာဝတိံသာနတ်ပြည်ကို ကြွသွားတော်မူတဲ့အခါ ရှင်မောဂ္ဂလာန်မထေရ်မြတ်ဟာ ကျန်ရစ်နေတဲ့ ပရိသတ်အပေါင်းကို တရားဆက်လက် ဟောကြားတော်မူတယ်။ ရှင်မောဂ္ဂလာန် မထေရ်မြတ်က လူအပေါင်းရဲ့စိတ်ကို တရားဓမ္မနဲ့ ရွှင်လန်းစေပြီး အနာထပိဏ်သူဌေး ကတော့ ပရိသတ်အပေါင်းကို အဟာရဒါနလှူဒါန်းထောက်ပံ့တယ် လို့ဆိုတယ်။ မြတ်စွာဘုရားရှင် လူ့ ပြည်ကို ပြန်လည်ကြွတော် မူဖို့ နီးကပ်လာတဲ့အခါ ပရိသတ်တွေရဲ့ တောင်းပန်လျှောက်ထားမူကြောင့် အရှင်မြတ်ဟာသူတို့ရဲ့မျက်မှောက်ထင်ရှားမှာဘဲ မြေထုကို ဖောက်ခွင်းပြီး၊ မြင့်မိုရ်တောင်ထွတ်ကနေ တာဝတိံသာနတ်ပြည်ကို ကြွသွားတော်မူတယ်။ ပြီးတော့ မြတ်စွာဘုရား ရှင်နဲ့ပတ်သက်တဲ့ သတင်းစကားတွေကို ပရိသတ်အပေါင်းအားသိစေတော်မူတယ်။ မြတ်စွာဘုရားရှင် စေခိုင်းတော်မူတဲ့ ဘယ် ကိစ္စရပ် မဆို အရှင်မြတ်အတွက် အသေးအဖွဲဆိုတာ မရှိဘူး လို့ဆိုနိုင်တယ်။ မြတ်စွာဘုရားဟာ ရဟန္တာပုဂ္ဂိုလ် ဥဂ္ဂသေနကို တွေ့ဖို့ အတွက် ရှင်မောဂ္ဂလာန်မထေရ်မြတ်ကိုတမန်အဖြစ်စေလွှတ်တော်မူကြောင်း တွေ့ရတယ်။ ပြီးတော့ မစ္ဆရိယကောသိယ သူဌေးကို ကို ချေချွတ်ပြီး ဇေတ၀န်ကျောင်းတော်ကို ခေါ်ဆောင်လာဖို့လည်း အရှင်မြတ်ကိုဘဲစေတော်မူတယ်။ အဇာတသတ် ဘုရင်က လုပ်ကြံဖို့ စီမံထားတဲ့ သီလ၀ါ ထံကိုလည်း အရှင်မြတ်ကိုဘဲစေတော်မူတယ်။ (ThagA.i.536) မြတ်စွာဘုရားရှင်ဒေသစာ ရီ ကြွချီတော်မူတဲ့အခါ ရှင်မောဂ္ဂလာန် မထေရ်မြတ်နဲ့ ရဟန်းငါးရာဟာ ‘‘မိဂါရမာတုပါသာဒ’’ ကျောင်းတိုက်ကြီးကို ဦးစီးဆောက် လုပ်တော်မူဖို့ နေရစ်တော်မူတယ်။ အရှင်မြတ်ရဲ့ တန်ခိုးအစွမ်းကြောင့် ကျောင်းတိုက်ဆောက်လုပ်မူဟာ အဆင်ပြေချောမွေ့စွာ နဲ့ လျင်မြန်စွာ ပြီးဆုံးခဲ့တယ်လို့ ဆိုတယ်။ 

 မြတ်စွာဘုရားရှင်ဟာ သံဃာထုတစ်ရပ်လုံး စင်ကြယ်ဖို့တာဝန်အတွက် အဂ္ဂသာဝက အရှင်မြတ်နှစ်ပါးကို အလွန်အားကိုးတော်မူတယ်။ ဥပမာအားဖြင့် ဥပါသ်ပြုရာမှာ သံဃာထုမစင်ကြယ်လို့ မြတ်စွာ ဘုရားရှင်က ဥပါသ်ပြုတော်မမူတဲ့အခါ အရှင်မြတ်ဟာ သံဃာထုကို စိစစ်တော်မူပြီး မစင်ကြယ်တဲ့ သံဃာကို ဥပါသ်ကျောင်းအပြင်ဘက် ကို ကိုယ်တော်တိုင် ဆွဲထုတ်တော်မူပြီး တံခါးမင်းတုန်းကို ပိတ်တော်မူတယ်လို့ ဆိုတယ်။ တခါတော့ အရှင်သာရိပုတ္တရာ မထေရ်မြတ် ခရီးထွက်ဆဲကာလမှာ ရဟန်းတစ်ပါးကသူ့အပေါ်မှာ အပြစ်ကျူးလွန်ပြီး မတောင်းပန်ဘဲ ခရီးထွက်တယ် လို့ စွပ်စွဲပါတယ်။ ဒီအခါ ရှင်မောဂ္ဂလာန်မထေရ်မြတ်နဲ့ ရှင်အာနန္ဒမထေရ်မြတ်တို့ဟာရှင်သာရိပုတ္တရာမထေရ်မြတ်ရဲ့အပြစ်ကင်းစင်ကြောင်း မြတ်စွာဘုရားရှင်ရဲ့မျက်မှောက်တော်မှာ သံဃာအပေါင်းကြားနာစေရဖို့ ကျောင်းတိုက်တိုင်းက သံဃာတော်တွေကို ကိုယ်တော်တိုင်သွားရောက်ကြပြီး ပင့်ဖိတ်တော်မူခဲ့ကြတယ် လို့ ဆိုတယ်။

အရှင်မြတ်နှစ်ပါးရဲ့ဂုဏ်သတင်းဟာ ဗြဟ္မာ့ပြည်ထိအောင် ရောက်ကြောင်းတွေ့ရတယ်။ တုဒု (ရူ) ဗြဟ္မာမင်းဟာ အရှင်မြတ်နှစ်ပါး ကို ချီးကျုးတဲ့ဂါထာတော်နဲ့ ရွတ်ဆိုပူဇော်လို့ ကောကာလိက ရဟန်းဟာ စိတ်ဆိုးတယ် လို့ဆိုတယ်။ ကောကာလိက ရဟန်းဟာ အရှင်မြတ်နှစ်ပါးကို အမုန်းထား ရန်ငြိုးဖွဲ့တဲ့ ရဟန်းဖြစ်တယ်။ 

ဒေ၀ဒတ်ဟာသံဃာဂိုဏ်းခွဲပြီး နောက်ပါရဟန်းတော်ငါးရာကို ခေါ်ဆောင်သွားတဲ့အခါ ပါသွားတဲ့ရဟန်းတွေကို ပြန်လည်ချေချွတ် ဖို့ မြတ်စွာဘုရားက အဂ္ဂသာဝကနှစ်ပါးဖြစ်တဲ့ ရှင်သာရိပုတ္တရာနဲ့ ရှင်မောဂ္ဂလာန် မထေရ်မြတ်ကို စေလွှတ်တော်မူတယ်။ ရဟန်းတော်တွေဟာ အရှင်မြတ်နှစ်ပါးရဲ့ ဟောကြားမူကြောင့် အမှန်တိုင်းနား လည်သွားကြပြီး ပြန်လည်လိုက်ပါတော်မူခဲ့ကြ တယ်လို့ ဆိုတယ်။ 

 ဒါ့အပြင် ‘‘အဿဇိ ပုနဗ္ဗသု’’ ကိုဆုံးမဖို့ အတွက်လည်း မြတ်စွာဘုရားက အရှင်မြတ်နှစ်ပါးကို ဘဲ စေလွှတ်တော်မူခဲ့တယ်။ ရှင်မောဂ္ဂလာန်မထေရ်မြတ်ရဲ့ ဒါယကာတစ်ဦးဖြစ်တဲ့ ‘‘ကကုဓ ကောလိယပုတ္တ’’ ဟာ

ကြီးမားတဲ့ ကိုယ်ကာယနဲ့ မနောမယကာယ နတ်သားဖြစ်တယ်လို့ ဆိုတယ်။ အဲဒီ နတ်သားက ဒေ၀ဒတ်ရဟန်းရဲ့ မြတ်စွာဘုရား ကို လုပ်ကြံမဲ့ အကြံစည်နဲ့ ပတ်သက်ပြီး ရှင်မောဂ္ဂလာန်မထေရ်မြတ်ကို သတိပေးတယ်။ အရှင်မြတ်က မြတ်စွာဘုရားကို ဒီအကြောင်းလျှောက်ထားတဲ့ အခါ မြတ်စွာဘုရားက လျစ်လျူရူတော်မူခဲ့တယ် လို့ဆိုတယ်။

 မြတ်စွာ ဘုရားရဲ့သားတော်ရာဟုလာ သာသနာ့ဘောင်ဝင်ရောက်တဲ့အခါ ရှင်သာရိပုတ္တရာ မထေရ်မြတ်ဟာ ဥပဇ္ဈာယ်ဆရာအဖြစ် ဆောင်ရွက်တော်မူပြီး၊ ရှင်မောဂ္ဂလာန်မထေရ်မြတ်က နိဿရည်းဆရာအဖြစ်ဆောင်ရွက်တော်မူတယ်။ 

စတဲ့ကျမ်းဂန်များမှာတော့ ရှင်မောဂ္ဂလာန်မထေရ်မြတ်ဟာ ရာဟုလာ ရဲ့ ကမ္မ၀ါစာ ဆရာအဖြစ်လည်း ဆောင်ရွက်တော်မူတယ် လို့ တွေ့ကြရတယ်။ ရှင်မောဂ္ဂလာန်မထေရ်မြတ်ဟာ မြတ်စွာဘုရားက မထေရ်မြတ်အပေါ်မှာ အပ်နှင်းထားတဲ့ သံဃာထုကို စောင့်ရှောက်ဖို့ တာဝန်ကို စွမ်းစွမ်းတမံ ထမ်းရွက်တော်မူခဲ့ကြောင်း သိရှိကြရတယ်။ ထေရဂါထာပါဠိတော်မှာ ရဟန်းတော်များ စွာနဲ့ ပတ်သက်ပြီး အရှင်မြတ်ရဲ့ တိုက်တွန်းအားပေးဟောကြားထားတဲ့ ဂါထာတော်များစွာ ကို တွေ့ကြရပါတယ်။ အဲဒီအထဲက အချို့ရဟန်းတော်တွေရဲ့ အမည်ကို ဖော်ပြထားတယ်။ ဥပမာ၊ တိဿ၊ ၀ဒ္ဓမ္မာန၊ ပေါဋ္ဌိလ မထေရ်တို့ဖြစ်တယ်။ 

တခါတော့ ‘‘ကာ လသိလာ’’ အရပ်မှာ ရဟန်းတော်ငါးရာဟာ အရှင်မြတ်ရဲ့စောင့်ရှောက်မူနဲ့ ရဟန္တာမထေရ်မြတ်တွေ ဖြစ်တော်မူခဲ့ကြတယ် လို့ တွေ့ကြရတယ်။ ဒီ အကြောင်းရာကို ရှင်ဝင်္ဂီသ မထေရ်မြတ်က ကိုယ်တိုင်တွေ့မြင်တော်မူခဲ့ပြီး မြတ်စွာဘုရားရဲ့မျက်မှောက် တော်မှာ အရှင်မောဂ္ဂလာန်မထေရ်မြတ်ကြီးကို ဂါထာစီကုံးပြီး ချီးကျူးမြွက်ဆိုတော်မူခဲ့တယ်။

ရှင်မောဂ္ဂလာန်မထေရ်မြတ်နဲ့ ရှင်သာရိပုတ္တရာ မထေရ်မြတ်ကြီးနှစ်ပါးဟာ အပြန်အလှန်လေးစားချစ်ကြည်တော်မူကြတယ်။ ထေရအပါဒါန်မှာတွေ့ကြရတဲ့ ရှင်သာရိပုတ္တရာရဲ့ ရှင်မောဂ္ဂလန်မထေရ်မြတ်ကို ချီးကျူးမြွက်ကြားတဲ့ ဂါထာတော်တွေဟာရှင် မောဂ္ဂလာန်မထေရ်မြတ်က ပြန်လည်ချီးကျူးမြွက်ကြားတဲ့ ဂါထာတော်တွေထက် ပိုမိုပြီး စကားအလင်္ကာတွေ ပြည့်စုံကြောင်းတွေ့ ကြရတယ်။ အရှင်မြတ်နှစ်ပါးရဲ့ ချစ်