သီရိဝိဇယနာဂ

အရှေ့တောင်အာရှကျွန်းများတွင် တည်ရှိသော သီရိဝိဇယ အမည်ရှိ ဗုဒ္ဓဘာသာ နိုင်ငံတော်သည် ထင်ရှားကျော်ကြား သော နိုင်ငံတစ်နိုင်ငံ ဖြစ်သည်။ ယင်းနိုင်ငံသည် ၁၂ ရာစု အထိ မဟာယာန ဗုဒ္ဓဘာသာ အချက်အချာ ဖြစ်ခဲ့သည်။ သီရိဝိဇယသည် ဆုမတြာကျွန်း၏ မြို့တစ်မြို့ ဖြစ်သည်။ ရာပေါင်းများစွာသော နှစ်ပရိစ္ဆေဒကာလအထိ သိလိန္ဒြ မင်းဆက် ဗုဒ္ဓဘာသာဝင် ဘုရင်တို့၏ မြို့တော် ဖြစ်ခဲ့သည်။
ယင်းဗုဒ္ဓဘာသာ ဘုရင်များထဲတွင် သီရိဝိဇယနာဂဘုရင် ၏ခေတ် (ခရစ်နှစ် ၃၈၄)သည် ထူးခြားသော ခေတ်ကာလ ဟု ဆိုရမည်။ အိန္ဒိယ ကိုလိုနီနိုင်ငံများထဲတွင် ဂျာဗားသည် ရှေးအကျဆုံး ကိုလိုနီဖြစ်သည်ဟု အသိအမှတ်ပြုထားကြ သည်။ ယင်းကျွန်း၌ နေထိုင်ကြသူများသည် အိန္ဒိယတောင် ပိုင်းမှ လာကြသူများဖြစ်ကြပြီး အင်ဒိုချိုင်းနားအထိ ပြန့်ပွား သွားကြသည်။ ခရစ်နှစ် ၁ နှင့် ၂ ရာစုနှစ်များ၌ အိန္ဒိယ တောင်ပိုင်းသားတို့သည် မလေးကျွန်းဆွယ် ကျွန်းစုများ ၌ နေထိုင်ကြသည်။ ရှေးအကျဆုံးလူ (ဂျာဗားလူ)၏ ဦး ခေါင်းခွံကို ဂျာဗား၌ တွေ့ရသည်ဟု သုတေသီများက အယူ ရှိကြသည်။ ယင်းရှေးအကျဆုံးလူသည် လွန်ခဲ့သည့် နှစ် ငါး သိန်းခန့်က ပထ၀ီမြေပြင်ပေါ်၌ နေထိုင်သည်။ သူတို့ အသုံး ပြုသည်မှာ ကျောက်လက်နက် ကိရိယာဖြစ်သည်။

ဗုဒ္ဓခေတ်မတိုင်မီက အိန္ဒိယ ကုန်သည်များသည် သုဝဏ္ဏ ဘုမ္မိမှ သုဝဏ္ဏဒီပနှင့် ယ၀ဒီပသို့ သွားလေ့ရှိကြသည်ဟု ဇာတကများ၌ ဖော်ပြထားသည်။ သို့သော်လည်း ကိုလိုနီ တည်ထောင်ရန် မဟုတ်ဘဲ ကုန်သည်များအဖြစ်ဖြင့် သွား ရောက်ကြခြင်း ဖြစ်သည်။ ဂျာဗား၌ အိန္ဒိယတောင်ပိုင်း၏ သြဇာအရှိန်အ၀ါ လွှမ်းမိုးမှုရှိသည်။ ဂျာဗားမှ တူးဖော်တွေ့ရှိ ရသော အဦးဆုံးကျောက်စာ အရေးအသားမှာ ပလ္လ၀ဘုရင် များ ၅ ရာစု ၆ ရာစုလောက်က ကြေးပြားပေါ်တွင် ရေးထိုး ထားသည့် စာအရေးအသားမျိုး ဖြစ်သည်။ ယင်းအထောက် အထားများကို ဂျာဗား၌သာ တွေ့ရသည်မဟုတ်ဘဲ ဖာတုန် နှင့် စမ္ပာတို့၌လည်း တွေ့ရသည်။ ပလ္လ၀တို့ မတိုင်မီ သာတ ၀ါဟနတို့၏ နောက်ပိုင်း၌ ဓညကဋက၌ ဣက္ခာကုမျိုးနွယ် များ ကြီးစိုးကြသည်။ ဓညကဋက (ဓရဏီကုတ်)နှင့် ရှရရီ ဗဗ္ဗတ (နာဂါဇုနကောဏ္ဍာ) တို့၌ တူးဖော်ရရှိသော ကျောက် စာများအရ သီဟိုဠ် (သီရိလင်္ကာ)၊ တရုတ်၊ ကိရာတ (ကျိ လာတ၊ မလယ)တို့၌ ဗုဒ္ဓဘာသာ ပြန့်ပွားထွန်းကားလာ သည်ဟု သိရှိရသည်။

ယင်းမလေးကျွန်းဆွယ်များသည် ရှေးယခင်က ဟိန္ဒူကိုလိုနီ များ ဖြစ်ခဲ့သည်။ ဖာဟီယန်သည် ခရစ်နှစ် ၄၁၃ ခု၌ ထို ဒေသများသို့ ရောက်သွားသည်။ သူ၏ ခရီးစဉ်မှတ်တမ်းအရ ထိုခေတ်ကာလကလည်း ဂျာဗား စသောကျွန်းများ၌ ဗုဒ္ဓ ဘာသာ အထိုက်အလျောက် ထွန်းကားပြန့်ပွားနေသည်ဟု သိရှိရသည် ၁၅ ခုနှစ်၌ အိန္ဒိယမှ သီဟိုဠ်ကျွန်းကို ဖြတ် လျက် မိမိနိုင်ငံ ပြန်သွားသောအခါ ဖာဟီယန်သည် ယ၀ဒီပ ကျွန်း၌ ငါးလကြာမျှ နေထိုင်ခဲ့သည်။ ရာဟုလာသံကိစ္စည်း၏ အဆိုအရ ထိုအချိန်၌ ဂျာဗားတွင် ဗုဒ္ဓဘာသာသည် အဓိက ဘာသာတရား ဖြစ်သည်။

၄၂၃ ခုနှစ်၌ ဂုဏ၀မ္မာသည် ကသ္မိရ (ကပိရှာ)မှ ဂျာဗားသို့ သွားသည်။ ရဟန်းတော် ဂုဏ၀မ္မာသည် သံဃာနန္ဒဘုရင် ၏ သားတော်၊ ဟရိဘဒြ၏ မြေးတော်ဖြစ်သည်။ ထိုရဟန်း တော်သည် မင်းစည်းစိမ်ကို စွန့်ပယ်လျက် ရဟန်းဘောင် ရောက်လာသူဖြစ်သည်။ ခမည်းတော် ဘုရင်မင်းကြီး ကွယ် လွန်သွားသောအခါ ဂုဏ၀မ္မာသည် အသက် ၃၀ အရွယ်မျှ သာ ရှိသေးသည်။ ထီးမွေနန်းမွေခံ တစ်ဦးတည်းသော သား တော်ဖြစ်သည်။ ဂုဏ၀မ္မအား ထီးနန်းအပ်ကြသည်။ သို့ သော် လည်း ဂုဏ၀မ္မက လက်မခံပေ။ ခါးခါးသီးသီး ငြင်း ပယ်သည်။ သီဟိုဠ်အကြောင်းကို ကြားရသည်ဖြစ်၍ ဂုဏ၀မ္မာသည် သီဟိုဠ်ကျွန်းသို့ ကြွသည်။ သီဟိုဠ်ကျွန်းကမှ တစ်ဖန် ဂျာဗားသို့သွားသည်။

ဘုရင့်မယ်တော် ဗုဒ္ဓဘာသာဝင် ဖြစ်သွားသည့်အတွက်
ဂျာဗားဘုရင်လည်း ဗုဒ္ဓဘာသာကို သက်ဝင်ယုံကြည်သွား သည်။ ကံမကောင်း အကြောင်းမသင့်သဖြင့် ထိုအချိန်၌ ဂျာဗားကို ၀င်ရောက်တိုက်ခိုက်ကြသည်။ ယင်းအချက်နှင့် စပ်လျဉ်း၍ ဘုရင်မင်းကြီးက ဂုဏ၀မ္မာအား မေးမြန်း လျှောက် ထားသောအခါ ဂုဏ၀မ္မာက "သူခိုးဓားပြကို အပြစ်ဒဏ် ပေးခြင်းသည် လူတိုင်း၏ တာဝန် ၀တ္တရားဖြစ် သည်" ဟူ၍ ပြောပြသည်။ တရုတ်ပညာရှင်များ ရေးသား ထားသော ဂုဏ၀မ္မာ၏ အတ္ထုပ္ပတ္တိ၌ "ထိုအချိန်က ဂျာဗား ဘုရင်သည် လောကီလူ့ဘောင်ကို စွန့်ခွာလျက် ရဟန်းပြု လိုသော ဆန္ဒရှိ၏။ သို့ရာတွင် မှူးမတ်များ ၀ိုင်းဝန်းတောင်း ပန် သောကြောင့် ဘုရင်မင်းကြီးသည် တိုင်းပြည်နိုင်ငံ အတွင်း မည်သည့်နေရာမှာမှ အကြမ်းဖက်မှု မဖြစ်ပွား လျှင် မိမိ၏ ဆုံးဖြတ်ချက်ကို ပြင်မည်ဟု ကတိပြုသည်" ဟူ၍
ဖြစ်သည်။

ဘိက္ခု ဂုဏ၀မ္မာ၏ ဂုဏ်သတင်းသည် တရုတ်ပြည်သို့
ရောက်သွားသည်။ တရုတ်ဘုရင်၏ ပင့်ဖိတ်ချက်ကို ဂုဏ၀မ္မာ လက်မခံဘဲနေ၍ မဖြစ်တော့ပေ။ တရုတ်ပြည်၌ ဗုဒ္ဓဘာသာ ဖြန့်ဖြူးရန် အခွင့်ကောင်းကို လက်မလွှတ်လို ပေ။ ဂုဏ၀မ္မာသည် အိန္ဒိယကုန်သည် နန္ဒီ၏ သင်္ဘောနှင့် လိုက်ပါသွားပြီးလျှင် နန်ကင်းသို့ ရောက်ရှိသွားသည်။ သို့ သော်လည်း မကြာမီမှာပင် ၆၅ နှစ်အရွယ်၌ ကွယ်လွန် အနိစ္စ ရောက်သွားသည်။ ဂုဏ၀မ္မာ၏ အတ္ထုပ္ပတ္တိအရ
ဖာဟီယန် ရောက်သွားပြီး နောက်ပိုင်းကျမှသာလျှင် ဂျာဗား ၌  ဗုဒ္ဓဘာသာ စနစ်တကျ ထွန်းကား ပြန့်ပွားသွားသည်ဟု သိရှိရသည်။

ဘုရင့်အမည်များနှင့် ဘုရင်များ အုပ်စိုးသည့် တိုင်းနိုင်ငံ အမည်များကို ထောက်လျက် ယင်းဒေသများသည် မဆွက ဟိန္ဒူ ကိုလိုနီများ ဖြစ်ခဲ့ကြောင်း သိရှိရသည်။ ယင်းအမည် နာမမျိုးသည် အိန္ဒိယတောင်ပိုင်းမှ အမည်နာမမျိုး ဖြစ် သည်။ ရာစုနှစ် အတန်ငယ် ကြာသွားသောအခါ ယင်း ကိုလိုနီ နိုင်ငံများ၌ ဗုဒ္ဓဘာသာသည် အစဉ်တစိုက် ထွန်း ကားပြန့်ပွားလာရာ ဟိန္ဒူ မလေးရှားတစ်ခုလုံး ဗုဒ္ဓဘာ သာ ဖြစ်သွားသည်အထိပင် ဖြစ်သည်။ အာရှ အရှေ့တောင် ပိုင်း နိုင်ငံများ၌ ဗုဒ္ဓဘာသာ ပြန့်ပွားထွန်းကားသွားခြင်း၌
သီရိဝိဇယ ဗုဒ္ဓဘာသာ နိုင်ငံတော်၏ ကျေးဇူးမကင်းသည်မှာ အငြင်းပွားဖွယ်မရှိပေ။

သီရိဝိဇယနိုင်ငံ၏ သိလိန္ဒြာမင်းဆက်နှင့် ပတ်သက်၍ တရုတ်တို့နှင့် အာရပ်ကုန်သည်များသည် အတော်များများ ရေးသားထားကြသည်။ ဆုမတြာ၏ အလယ်တွင်ရှိသော ယင်းမြို့တော်သည် ၈ ရာစုနောက်ပိုင်း၌ ထိုခေတ် ထို အချိန်က ယဉ်ကျေးသော ကမ္ဘာ့နိုင်ငံများထဲတွင် ထင်ရှား ကျော်ကြားသော နိုင်ငံတစ်နိုင်ငံ ဖြစ်သည်။ အင်ဒိုနေးရှား ကျွန်းဆွယ်စုများ၌ ယဉ်ကျေးမှုနှင့် ပညာထွန်းကားရာ ဗဟို ချက်ချာလည်း ဖြစ်ခဲ့သည်။ မဇ္ဈိမဒေသ အိန္ဒိယနိုင်ငံသို့ လာကြသော တရုတ်ရဟန်းတော်များသည် သီရိဝိဇယ၌ နေပြီး သက္ကတဘာသာ သင်ကြားအားထုတ်လေ့ ရှိကြ သည်။ အချို့ပညာရှင်များ၏ အဆိုအရ သီရိဝိဇယသည်
မဟာယာန ဗုဒ္ဓဘာသာ၏ ခံတပ်ကြီးဖြစ်သည်။ သို့သော် လည်း တရုတ်ခရီးသည် ရွှင်ကျန်၏ အဆိုအရမူ ဆုမတြာ သည် ထေရ၀ါဒ ဗုဒ္ဓဘာသာ၏ ဌာနချုပ်ဖြစ်သည်။ ရွှင်ကျန် သည် ၆၈၈-၉၅ ခုနှစ်၌ ခုနစ်နှစ်ကြာမျှ ထိုဒေသတွင်နေပြီး ပညာသင်ကြား ဆည်းပူးခဲ့သည်။

ခရစ်နှစ် ၆၈၆ ခု၌ ဘုရင် သီရိနာဂသည် ဂျာဗားကို အနိုင် တိုက်ယူရန်အတွက် ကြီးမားသော စစ်တပ်ကြီးနှင့် ချီတက် ခဲ့သည်။ စစ်ပွဲပြီးသောအခါ အလယ်ပိုင်းနှင့် အနောက်ပိုင်း
ဂျာဗားကို သိမ်းပိုက်လိုက်လေသည်။ ယင်းရာစုနှစ်၌ သီရိဝိဇယ၏ အင်အားသည် ပိုမိုတိုးတက်လေသည်။ ထို အချိန်၌ ဘုရင် သီရိနာဂသည် တောင်ပိုင်း၌ ဟရီမြစ်ကမ်း ပါး၌ရှိသော မာလာယု (ယခုခေတ် ကျမ္မီ)ကိုလည်း လက် အောက်ခံပြုလိုက်သည်။ တစ်ပြိုင်နက်တည်းမှာပင် ဗံကာ ကျွန်းများကိုလည်း သိမ်းပိုက်လိုက်သည်။ ယင်းသို့အားဖြင့် ထိုခေတ်က ဆုမကြာကျွန်း သီရိဝိဇယနိုင်ငံသည် ဗုဒ္ဓဘာ သာ၏ အချက်အချာဖြစ်ခဲ့သည်။

သီရိဝိဇယနိုင်ငံ၏ သိလိန္ဒြမင်းဆက် အမည်နာမများသည်
ဆုမတြာသမိုင်း၌ ထင်ရှား ကျော်ကြားကြသည်။ ယင်း မင်း ဆက်၏ သီရိဝိဇယ ဗုဒ္ဓဘာသာနိုင်ငံသည် မလေးကျွန်း ဆွယ် အထိလည်းကောင်း၊ ဂျာဗား အလယ်ပိုင်းအထိလည်း ကောင်း ပြန့်နေလေသည်။ ယင်းမင်းဆက်အား အင်ဒိုနေး ရှား ၏ ဂုတ္တမင်းဆက်ဟု ခေါ်ဝေါ်ကြသည်။ ယင်းမင်း ဆက် ၏ မူရင်းအစ နေပြည်တော် ဘယ်မှာရှိသည်ဆိုသည့် အချက် နှင့် ပတ်သက်၍ ပညာရှင်များ တစ်ဦးနှင့်တစ်ဦး အယူအဆ မတူကြပေ။ အချို့ သမိုင်းပညာရှင်များက ယင်း မင်းဆက်၏ မူလအစနေရာမှာ ဆုမတြာ၌သာ ရှိသည်ဟု ဆိုကြသည်။ သို့သော်လည်း သိလိန္ဒြမင်းဆက် ဘုရင်များ ဆောက်လုပ်ခဲ့သော ကြီးကျယ်ခမ်းနားသည့် နတ်ကွန်းကြီး များနှင့် ဗရောဗိုဒိုကဲ့သို့သော အံ့မခန်း ပုထိုးကြီးများမှာ ဆုမတြာ၌မရှိဘဲ ဂျဗား၌ရှိသည်။ ယင်းတို့၏ ရှေးဟောင်း အဆောက်အအုံ အကျန်အကြွင်း အများအပြားမှာ
ဆုမတြာ မှာထက် ဂျဗား၌ ပိုတွေ့ရသည်။ ထို့ကြောင့် ပညာ ရှင် အတော်များများက ယင်းမင်းဆက်၏ ပင်ရင်းနေရာမှာ
ဂျဗားဖြစ်သည်ဟု ယူဆကြသည်။

၇ ရာစုအထိ သုဝဏ္ဏဒီပနှင့် သုဝဏ္ဏဘုမ္မိ၌ နေရာအနှံ့အပြား ထေရ၀ါဒ ဗုဒ္ဓဘာသာ ထွန်းကားပြန့်ပွားသည်ဟူသော တရုတ်ခရီးသည်တို့၏ အဆိုကို ရာဟုလာသံကိစ္စည်းက သံသယရှိသည်။ ယင်းသို့ဖြစ်ပါမူ ၈ ရာစု၌ သိလိန္ဒြမင်းဆက် ဘုရင်များနှင့်အတူ မဟာယာန ဗုဒ္ဓဘာသာ ဘယ်ကပြန့် ပွား လာသနည်း။ ထိုအချိန်၌ အိန္ဒိယမြောက်ပိုင်းတွင်
မဟာယာန ဗုဒ္ဓဘာသာ ထွန်းကားပြန့်ပွားသွားသည်။ မဟာယာန ဗုဒ္ဓဘာသာနှင့်လည်းကောင်း၊ အိန္ဒိယမြောက် ပိုင်း အက္ခရာ အရေးအသားနှင့်လည်းကောင်း အတူတကွ
သိလိန္ဒြမင်းဆက်လည်း အိန္ဒိယမြောက်ပိုင်းမှ ဆုမတြာသို့
ရောက်ရှိလာသည်ဟု ရာဟုလာသံကိစ္စည်းက ဆိုထား သည်။ သိလိန္ဒြမင်းဆက်တို့၏ မူလအစနေရာ မည်သည့် ဒေသ၌ရှိသည် ဆိုသည်ကို အဆုံးအဖြတ်ပေးရန်မှာမူ အမှန်တကယ် မလွယ်ပေ။

နေရာအနှံ့အပြားမှ ရရှိသော သိလိန္ဒြမင်းဆက် ဘုရင်တို့၏
ကျောက်စာများမှ သိလိန္ဒြမင်းဆက် သမိုင်းနှင့်ပတ်သက်၍
အများအပြား သိရှိရသည်။ မလေး၌ လိဂိုရအမည်ရှိ ဒေသ တွင် ၇၇၅ ခုနှစ်ထိုး ကျောက်စာတစ်ချပ် တူးဖော်ရရှိသည်။ ယင်းကျောက်စာ၌ သီရိဝိဇယိန္ဒြဘုရင်၏ ဗုဒ္ဓဘာသာ အုတ် ကျောင်း သုံးကျောင်း တည်ဆောက်မှုနှင့် ပတ်သက်၍ ရေး သားဖော်ပြထားသည်။ ရာဇဂုရုမထေရ် ဇယန္တအား ပုထိုး သုံးဆူတည်ရန် ဘုရင်က လျှောက်ထားသည်။ ဇယန္တ မထေရ် ပျံလွန်တော်မူသွားသောအခါ ဇယန္တ၏တပည့် အဓိမုခမထေရ်က စေတီသုံးဆူ၏ အနီး၌ အုတ်ပုထိုးနှစ်ဆူ တည်သည်။ အထက်ပါ ကျောက်စာ၌ သိလိန္ဒြ၏ ရာဇဂုရု မထေရ် ဆောက်လုပ်သော တာရာနတ်ဘုရားအကြောင်း
ရေးသားပါရှိသည်။ သိလိန္ဒြမင်းဆက်ဘုရင် ပဏကရဏ သည် သကနှစ် ၇၀၀-၇၇၈ ခုတွင် တာရာနတ်ဘုရား ကျောင်း ဆောက်လုပ်ပြီး ဘုရားကျောင်းနှင့်တကွ ရွာ တစ်ရွာ သံဃာအား လှူဒါန်းလေသည်။

နာလန္ဒာတက္ကသိုလ်ကို တူးဖော်စဉ်က ကြေးပုရပိုက်တစ်ခု ရရှိသည်။ ယင်းကြေးပုရပိုက်၌ သီရိဝိဇယဘုရင်များ အကြောင်း ရေးသားပါရှိသည်။ သီရိဝိဇယ သီလိန္ဒြဘုရင် များ၏ ရှေးအကျဆုံး မဟာယာနကျောက်စာကို ဂျာဗား၌ တူးဖော်ရရှိသည်။ ဒေ၀နာဂရီအက္ခရာဖြင့် ရေးသားထား သော ယင်းကျောက်စာသည် နာလန္ဒာ၌ တူးဖော်ရရှိသော ၉ ရာစုနှစ် ကျောက်စာများနှင့် ဆင်တူနေသည်ကို တွေ့ရှိရ သည်။

သုဝဏ္ဏဒီပမှ ဓမ္မကိတ္တိမထေရ်၏ ပညာဂုဏ်သတင်း
အကျော်အစောကို ကြားသိရသည်ဖြစ်၍ ၀ိကြမသိလာ၏ စာချဆရာ တိဗက်သာသနာပြု ဒီပင်္ကရ သီရိဉာဏ (၉၈၁-၁၀၅၄)သည် သုဝဏ္ဏဒီပသို့ ကြွလာပြီးလျှင် ဓမ္မကိတ္တိ မထေရ်ထံတွင် ၁၂ နှစ်ကြာမျှ ပညာသင်ကြား နေသည်။ နာလန္ဒာတက္ကသိုလ်၏ နာမည်ကျော် ကထိက စာချဆရာ ဓမ္မပါလသည်လည်း ဆုမတြာကျွန်းသို့ ကြွ သွားပြီးလျှင် ဆုမတြာကျွန်း၌ သက်ဆုံးတိုင် သီတင်းသုံး သွားခဲ့သည်။

သီရိနာဂ မတိုင်ခင် ရာစုတစ်ခုလောက်ကပင် စတင်၍
ဗုဒ္ဓဘာသာသည် ဆုမတြာ၏ နိုင်ငံတော်ဘာသာ ဖြစ်လာ ခဲ့ပြီးလျှင် မလေးရှား၏ ဟိန္ဒူနိုင်ငံ အတော်များများကို ဗုဒ္ဓဘာသာနိုင်ငံ ဖြစ်လာအောင် ပြုလုပ်ရာ၌ အောင်မြင်မှု ရရှိလာခဲ့သည်။ ထို့ကြောင့် ဆုမတြာနိုင်ငံတော်သည် သီရိဝိဇယ၏ ဗုဒ္ဓဘာသာ နိုင်ငံတော်အမည်ဖြင့် ထင်ရှား ကျော်ကြားလာသည်။

သီရိဝိဇယ၏ နယ်မြေအကျယ်အ၀န်းမှာ ကျယ်ပြန့်သည် ထက် ကျယ်ပြန့်လာသည်။ ဆုမတြာနှင့် မာလာယုအထိမျှ သာ မကတော့ဘဲ ဗိုနိယို၊ ဖိလစ်ပိုင်၊ ဂျဗားတစ်ဝက်၊ ဖော်မို ဆာတစ်ဝင်၊ တရုတ်တောင်ပိုင်း သင်္ဘောဆိပ်နှင့် သီဟိုဠ် ကျွန်းအထိကျယ်ပြန့်သွားသည်။ သိလိန္ဒြမင်းဆက် နောက် ဆုံးဘုရင် စန္ဒြဓာနုသည် ခရစ်နှစ် ၁၂၃၆ နှင့် ၁၂၅၆ ၌ နှစ် ကြိမ်တိတိ သီဟိုဠ်ကျွန်းကို ၀င်ရောက်တိုက်ခိုက်သည်။ ထိုအချိန်မတိုင်ခင် ၁၀ ရာစု၊ ၁၁ ရာစုများ၌ သီရိဝိဇယနှင့် သီဟိုဠ်ကျွန်း၏ ဆက်သွယ်ရေးသည် ကောင်းမွန်ခဲ့သည်။ ဘုရင်ကုမဏန္န၀သည် တိုင်းပြည်ကို စွန့်ခွာထွက်သွားရမလို ဖြစ်သောအခါ သီဟိုဠ်ကျွန်း၏ အကူအညီကို ရယူခဲ့သည်။ သီရိဝိဇယမင်းဆက်နှင့် သီဟိုဠ်ကျွန်းမင်းဆက်အကြား၌ အာဝါဟ၀ိဟာဟ ဆက်သွယ်ရေးများလည်း ရှိခဲ့သည်ဟု ဆိုသည်။ ပဏ္ဍယသီရိမာရ၏ သမီးတော်ကို ဥပိန္ဒြ၀ဓီရနှင့် စုလျားရစ်ပတ် လက်ထပ်ပေးခဲ့သည်။ ထို့ပြင် လုဏ၀တီ သည် ဂုဏန္န၀ါနှင့် လက်ဆက်ခဲ့သည်။ နာဂတ္တန်၌ ဗုဒ္ဓ ၀ိဟာရကျောင်း ဆောက်လုပ်လှူဒါန်းသော သီရိဝိဇယဘုရင် ၏ မိဖုရားသည် သီဟိုဠ် ဘုရင့်သမီးတော် ဖြစ်သည်ဟု အဆိုရှိသည်။

သီဟိုဠ်ကျွန်း (သီရိလင်္ကာ)နှင့် အိန္ဒိယတောင်ပိုင်းမှ
ဘင်္ဂလားပင်လယ်အော်ကို ဖြတ်သွားသော သင်္ဘောလမ်း ကြောင်းကျသောကြောင့် ဆုမတြာ၏ ပင်လယ်ကုန် ကူး သန်း ရောင်းဝယ်ရေး၌ အချက်အချာကျနေသည်။ ဆုမတြာ ၏ ရှေးဟောင်းနိုင်ငံရေး အချက်အချာ ဗဟိုဌာနမှာ ၄ ရာစု နှစ်ကစ၍ တည်ရှိခဲ့သော သီရိဝိဇယဖြစ်သည်။

http://kauthotaw.blogspot.com

=============+++==============================
အားပေးမှုကို ကျေးဇူးတင်ပါတယ် ဒီမှာ သွားလိုက်ဦးနော်။
-------------------------------------------------------------------------------------------------------