စာဖတ်ဝါသနာပါတဲ့ သူငယ်ချင်းတွေနဲ့ လှည်းတန်းက IT လက်ဖက်ရည်ဆိုင်မှာ ထိုင်ကြရင်း သူငယ်ချင်းတစ်ယောက်ရဲ့ လက်ထဲ စာအုပ်တစ်အုပ်ကိုင်လာတာတွေ့တယ်။ ပြပါဦး အဲစာအုပ် ဆိုတော့ ...
ဇော်ဝင်းကိုရဲ့ ဦးအောင်လှကို လွှတ်ပေးပါ စာအုပ်ဖြစ်နေတယ်။ အမှန်ပြောရရင် ဇော်ဝင်းကို,ကို ကျနော် မသိဘူး။ သာမန် စာရေးဆရာပေါက်စလို့ပဲ မှတ်နေမိတာ။ သူငယ်ချင်းက “ဦးညီ ... အဲစာအုပ် အရမ်းကောင်းတယ် ဖတ်ကြည့်၊ ဖတ်လို့ပြီးရင် ပီဒီအက်လုပ်၊ ဦးညီကို ပေးခဲ့မယ်” ဆိုပြီး ကျနော့်လက်ထဲ ထည့်ထားခဲ့တာ။
စာအုပ်ကို ဖတ်ကြည့်တယ်။ ပထမဆုံး ဆောင်းပါးတစ်ပုဒ်နဲ့တင် ဖြုံသွားတယ်။ နည်းနည်းနောနော ပဂေးကြီးပါလားပေါ့။ တစ်အုပ်လုံးမှာပါတဲ့ ဆောင်းပါးတွေက အတွေးစူးစူး အရေးစူးစူးနဲ့ စူးရှသွက်လက်တယ်။
တကယ်တော့ ဆရာဇော်ဝင်းကို ဆိုတာ ... စိတ်မလာရင် စာမရေးတဲ့ဆရာ၊ စိတ်လာမှ စာထရေးတဲ့ ဆရာ။ တစ်နှစ်နေလို့လဲ ဆောင်းပါးတစ်ပုဒ် ကဗျာတစ်ပုဒ် ရေးချင်မှ ရေးတတ်တယ်။ အင်္ဂလိပ်စာမှာ အလွန်ထက်မြက်တယ်၊ အတွေးတွေ စူးရှထက်မြက်လွန်းတဲ့အတွက် ဆရာကြီး မြသန်းတင့်တို့၊ ဆရာကြီး လူထုစိန်ဝင်းတို့က ချီးကျူးရတယ်။ ဆရာကြီး မြသန်းတင့်တို့နဲ့ တစ်ကျွန်းမှာ ၃ နှစ် အတူတူနေခဲ့ဖူးတယ်။ ဒီလောက်ဆို ဆရာဇော်ဝင်းကိုဆိုတာ ဘယ်လိုလူလဲဆိုတာ ရိပ်မိတန်သလောက် ရိပ်မိလောက်ပါပြီ။ ဆက်လက်ပြီး စာအုပ်လေးကို ဖတ်ပြီး ဆရာဇော်ဝင်းကို, ကို ထိတွေ့ကြပါဦး ခင်ဗျာ။
====
0 comments:
Post a Comment